Kabla Sijamlaumu Maguire, Nataka Nikutane Ed Woodward

Arsene Wenger aliwahi kusema zipo njia mbili tu za kutengeneza timu imara ya ushindani. Ya kwanza ni kuwekeza katika kukuza vijana na ya pili ni kumwaga pesa kununua waliokwisha kutengenezwa. Njia zote hizi zinafanya kazi lakini hazifanani.

Njia ya kwanza inahitaji uvumilivu na mipango ya muda mrefu sana. Ndiyo sababu timu nyingi zimepiga chini huu mpango. Wanachagua tu kujitosa sokoni na kutengeneza timu imara. Ndivyo pesa inavyoendesha dunia. Kuanzia kwa Real Madrid iliyotwaa UEFA tatu mfululizo mpaka kwa PSG na Bayern Munich zinazocheza ligi zao binafsi, zimeundwa kwa pesa tu. Hakuna kingine!

Kwa Manchester United, kabla ya kuilaumu mikono ya David De Gea, kabla ya kuzihoji mbinu za Ole Gunner Solksjaer, kabla ya kuzituhumu kosakosa za Antonio Martial, nadhani anatakiwa kutazamwa Mkurugenzi Ed Woodward na ‘sekretarieti’ yake. Kwa walipoishia Man United msimu uliopita, ni wazi walihitaji sura mpya kikosini ili kupiga hatua zaidi. Walihitaji marekebisho baadhi ya maeneo ili kuwa washindani zaidi.

Sahau kuhusu ulinzi, kule mbele wanahitaji washambuliaji wawili hatari (siyo machachari), watu kama Harry Kane na Jadon Sancho. Katikati walifanya vizuri kumuongezea Bruno msimu uliopita na ujio wake umelipa, tayari wanayo Pogba, Fred, Mctominay na Matic. Kwa maoni yangu nadhani katikati hawahitaji mtu ukizingatia wamemsajili Donny Van Beek. Wanahitaji beki mmoja wa kati wa kusimama na Maguire na beki mmoja wa kushoto. Hao tu.

Hayo maelezo niliyoweka hapo juu, nimerudia tu alichokisema Ole mwisho wa msimu uliopita alipozungumzia marekebisho atakayofanya kikosini. Ajabu ni kuwa hajayafanya mpaka sasa. Unadhani shida ipo wapi? Shida siyo Ole, shida ni mtu anayesimamia fedha, Ed Woodward. Hakuna kocha asiyetaka kusajili, hakuna kocha asiyetaka kushinda. Kama Ole aliona madhaifu yote hayo, ina maana alihitaji kuyarekebisha. Atarekebisha vipi bila pesa ya usajili?

Crystal Palace walivoshuka Old Trafford jana bila uwoga, Man Utd inahitaji kufanya kitu kabla dirisha halijafungwa kama kweli wanahitaji taji la ligi kuu.

SHINDA NA MERIDIANBET!

Tengeneza pesa kidijitali kwa kubashiri mbio za farasi hapa Meridianbet! Chagua nani ashinde, unakusanya mkwanja.

Cheza Sasa.