Ansu Fati Asaini Dili ya Miaka 4 Barcelona.

Barca na Ansu Fati wamefikia makubaliano ya kuboresha kandarasi ya mchezaji huyo hadi Juni 30, 2024, na kifungu chake cha kuondoka kikipanda kutoka € 170m hadi € 400m.

Winga huyo mwenye umri wa miaka 17 amekuwa mmoja wa nyota waliowika sana Ulaya msimu uliopita na anatajwa kuwa na mustakabali mzuri huko Barcelona.

Kinda huyo alifungia Barca mabao 8 msimu uliyopita na aliitwa katika kikosi cha timu ya taifa ya Spain na kufanikiwa kufunga mara mbili kumuweka katika nafasi nzuri Spain ilipoifunga Ukraine 4-0 mapema mwezi huu.

Amekosa michezo miwili ya kwanza tangu Koeman achukue mikoba ya kuinoa Barca, kutokana kuwa na majeraha, Fati alianza katika mchezo wa kirafiki wa Joan Gamper Trophy dhidi ya Elche .

Maboresho ya mkataba wa Ansu Fati na  Barcelona.

Kifungu cha awali kwenye Mkataba wa Kinda huyo kilikuwa €100m kikapanda hadi €170m na yakawekwa makubaliano kwamba wakati mchezaji huyo atakapo ingia rasmi katika kikosi cha kwanza cha Barça kifungu kitaboreshwa hadi euro milioni 400.Euro milioni 400 Kumwondoa Ansu Fati Barca!

Winga huyo amekabidhiwa jezi namba 22, ambayo ilikuwa ikivaliwa na mchezaji Artulo Vidal ambaye ametimkia Inter Milan wiki hii.

Kabla alikuwa akivalia jezi yenye namba 31, lakini hakuwa mchezaji rasmi wa timu ya kwanza licha ya kucheza michezo 33 katika mashindano yote msimu 2019-20.

Barca ambao wapo katika marekebisho ya kikosi chao,na wataanza mbio za kuwania LaLiga siku ya Jumapili kwa mchezo dhidi ya Villarreal, wameruhusu Vidal, Arthur,Nelson Semedo na Ivan Rakitic kuondoka klabuni hapo, uhamisho wa Suarez kwenda Atletico Madrid umekamilika imebaki kutia saini tu.

FURAHIA KASINO YA MTANDAONI

Tembelea ardhi ya maajabu ushangazwe na mengi ikiwa ni pamoja na urahisi wa kujipatia utajiri kupitia Kasino ya Meridianbet.

Cheza Sasa