Zidane: Barcelona Bado Wana Kikosi cha Ushindani.

Kocha wa Real Madrid Zinedine Zidane anaamini Barcelona bado wana kikosi kinachoweza kupambana kwa kila mashindano.

Baada ya kuumaliza msimu bila kuambulia taji lolote, Ronald Koeman anakazi kubwa ya kuijenga Barca, ambao tumeona wakiuza wachezaji wao Luiz Suarez, Arturo Vidal,Ivan Rakitic, Arthur na Nelson Semedo.

Philippe Coutinho amerejea kutoka Bayern Munich ambako alitumia msimu mmoja kwa mkopo na Miralem Pjanic ametua Camp Nou akitokea Juventus wakati Messi pia ataendelea kuhudumu Barca baada ya jaribio lake la kutaka kuondoka kugonga mwamba.

Zidane, ambaye atawatembelea Real Betis siku ya Jumamosi, amesema Barca bado ipo imara katika kuleta changamoto ya kuwania taji.

“Nitaheshimu upande huo, sijui ni nini kinaendelea ndiyo maana sitaki kujihusisha. Kocha Zidane aliongea na waandishi wa habari.

“Nadhani kila klabu ina magumu yake na mambo yake, nadhani Barcelona kwa dhana ya timu na kikosi itaendelea kupambana kwa kila kitu.

“Sina shaka yoyote.

Lakini pia tumeona baadhi ya mabadiliko katika kikosi cha Real Madrid kwa kuwaachia wachezaji Jmaes Rodriguez aliyetimkia Everton, Gareth Bale akirejea katika timu yake ya zamani Tottenham kwa mkopo na Reguilon ambaye pia amejiunga na upande wa Jose Mourinho.

Mahusiano ya Bale na Zidane iliripotiwa kutokuwa mazuri kwa miezi ya hivi karibuni na mchezaji huyo kutoka Wales amesema kamwe hatojutia kuondoka Madrid.

Alipoulizwa anachochote cha kuongea kuhusu Bale, Zidane alijibu: “sitaongea chochote kuhusu Gareth Bale zaidi tunamtakia kila la kheri.

FURAHIA KASINO YA MTANDAONI

Tembelea ardhi ya maajabu ushangazwe na mengi ikiwa ni pamoja na urahisi wa kujipatia utajiri kupitia Kasino ya Meridianbet.

Cheza Sasa