Reus Afurahi Sancho Kuendelea Kusalia kwa Mwaka 1 Zaidi.

Nahodha wa timu ya Borussia Dortmund,Marco Reus amefurahi kwamba Jadon Sancho ataendelea kusalia Dortmund kwa msimu mmoja zaidi, wakati Manchester United ikionekana kusanda katika harakati za kumnasa kiungo mshambuliaji huyo.

United walikuwa wakivutiwa na kumsajili Sancho ilikuimarisha nguvu ya kikosi chao lakini hakuna siri, Dortmund walikuwa wakitaka kiasi cha Euro milioni 120 (£108m) ilikumuachia Sancho.

Sancho yupo kwenye mkataba mpaka 2023 na Reus amefurahishwa kuendelea kucheza pamoja na mchezaji huyo wa zamani wa timu ya vijana ya Manchester City katika dimba la Iduna Park.

“Kwetu ni jambo kubwa. Tunafuraha kwamba tutaendelea kuwa naye walau mwaka mmoja,” Nahodha wa BVB Reus aliwaambia maripota. ” Ndiyo kwa sababu bado anaendelea na ksi yake ya kutengeza asisti za magoli na kusumbua ngome ya upinzani tutapata alama nyingi.

Reus hakuwa tayari kusema kama Sancho anaweza kufika kiwango cha uchezaji kama cha kina Lionel Messi na Christiano Ronaldo.

“Ni mchezaji mzuri sana katika timu yetu na huenda siku moja atakuja kuwa mchezaji mkubwa kama wachezaji wawili [Messi na Ronaldo] tutaona.

“Anahitaji muda na uzoefu lakini pia kuna wakati mambo huwa hayaendi poa lakini akiwekeza bidii na kujituma atafika sababu anakipaji kikubwa.

Sancho alifunga goli 17 msimu uliyoisha nyuma ya Thomas Muller (21), Timo Werner (28) na Robert Lewandowski (34) na kuwa ni mchezaji pekee aliyetoa asisti nyingi asisti 16 katika Bundesliga.

Dortmund itawakabili Bayern Munich katika michuano ya German Super Cup siku ya Jumatano, huku wakiwa na kumbukumbu mbaya ya kufungwa goli 2-0 na Augsburg katika Bundesliga siku ya Jumamosi.

Beti kwa Kitochi Kushinda 300,000,000!

Unajua kuwa unaweza kushinda milioni mia tatu kwa buku tu? Ndiyo! Unaweza kushinda kwa kupiga *149*10# na kubashiri. Ingia mchezoni!

Soma Zaidi