Australian Open Katika Hali ya Sintofahamu.

Ratiba za mashindano kwenye michezo mbalimbali duniani zimeathiriwa na mlipuko wa COVID19. Upande wa tenesi, Mashindano ya Australian Open bado haijafahamika yataanza lini kutimua vumbi.

Australian Open hufanyika katika jiji la Melbourne nchini Australia na hofu imeanza kutanda kama mashindano haya yatafanyika mwezi Januari 2021 kulingana na ratiba ilivyokuwa imepangwa au itabadilika?

Taharuki hii inatokana na taratibu za kukaa karantini zilizowekwa na mamlaka za serikali ya Victoria ambapo imeripotiwa mamlaka hizitoruhusu wachezaji kuingia sehemu hiyo kuanzia katikati mwa mwezi Disemba, 2020.

Shirikisho la mchezo wa tenesi nchini humo – Tennis Australia lilitegemea kuwepo kwa uwezekano wa wachezaji kuanza kujiandaa ndani ya siku 14 za kukaa karantini kabla ya kuanza mchakato wa wiki 2 kuelekea kuanza kwa mashindano hayo.

Japokuwa taarifa zimeripoti kuwa, mpaka sasa serikali haionekani ikibadilisha msimamo wake licha ya kwamba kiongozi wa Victoria – Daniel Andrews alisema serikali bado ipo kwenye mazungumzo na Tennis Australia katika kuangalia utaratibu wa kukaa karantini.

“Tunaamini tutamalizana na Australian Open. Kuhusu wachezaji kuwepo hapa mwezi Disemba, hilo ni suala jingine.

“Sidhani kama hii inamaanisha hakutokuwa na Australian Open” alisema Andrews.

Pamoja na taarifa hizi, bado kuna uwezekano wachezaji wakaruhusiwa kuingia nchini humo mwishoni mwa mwezi Disemba. Hii itawapatia muda wa kujiandaa zaidi kabla ya michezo ya kufuzu kuanza kuchezwa Januari 12, 2021 kama ilivyopangwa.

Bado kuna namna kadhaa ambazo mashindano haya yanaweza kufanyika. Mashindano yanaweza kufanyika wakati wachezaji wapo karantini kama ilivyofanyika jijini New York kuelekea mashindano ya US Open.

Pia, Mashindano ya Australian Open yanaweza kurudishwa nyuma kwa wiki 1 au 2 ili kuwezesha michezo ya ufunguzi kuanza kama ilivyopangwa. Sambamba na hili, idadi ya timu shiriki inaweza kupunguzwa ili kupunguza idadi ya watu watakaoingia Australia kwenye mashindano haya.

Bado ni suala la muda na maridhiano baina ya wahusika wa mchakato huu ambapo Mashindano ya Australian Open ni kati ya mashindano makubwa kwenye ulimwengu wa tenesi.

BASHIRI UKIWA MAHALI POPOTE!

Hauhitaji kuwaza linapokuja suala la ubashiri na odds kubwa. Bashiri na Meridianbet ukiwa popote ufurahie ushindi mkubwa katika michezo mbalimbali na hadi milioni 16 kwenye michezo ya kasino.

INGIA MCHEZONI!