Rose Atamani Kurudi Spurs.

Danny Rose anapenda kupata fursa ya kucheza mbele ya mashabiki wa Tottemham kwa mara nyingine na atafurahi kama atamaliza muda uliyobaki katika mkataba wake akiwa na Spurs.

Beki wa kushoto wa England Rose ametumia nusu ya msimu wa 2019-20 katika Premier League kucheza katika klabu ya Newcastle kwa mkopo baada ya kutokuwa chaguo la kocha Jose Mourinho pindi alipochukua nafasi ya Pochettino kuinoa Spurs mwezi Novemba mwaka uliyopita.

Mchezaji huyo mwenye umri wa miaka 30 aliiambia BBC Radio 5 Live anajihisi “Hakupewa nafasi kubwa ya kucheza kama watu wengine katika safu ya ulinzi” na kocha Mourinho.

Rose yupo kwenye mkataba na timu ya Tottenham mpaka mwaka 2021 mwezi Juni na aliiambia The Second Captains amekuwa akitamani kufufua matumaini ya kuendelea kucheza katika klabu hiyo.

“Nitafurahi kukaa Tottenham na kuona miezi 10-11 iliyosalia naimalizia hapo,”

“Hakuna chochote ninachokihitaji zaidi ya kucheza nahitaji kucheza mbele ya mashabiki Spurs.

“Mechi yangu ya mwisho kucheza nikiwa na Tottenham ilikuwa ni dhidi ya Liverpool tulipoteza kwa 1-0 sikujua kama ndiyo mchezo wangu ma mwisho klabuni.”

Rose alishawahi kuhusishwa na kuhamia Manchester United, alikuwa ni beki mchezeshaji chini ya kocha Pochettino pia alikuwa ni sehemu ya timu ya England mwaka 2018 walipofika hatua ya nusu fainali katika michuano ya kombe la dunia.

Rose alifunga goli dhidi ya Arsenal mwaka 2010 katika Premier League na ameichezea Spurs michezo 210 katika mashindano yote.

Tiketi yako ya kwanza kamwe haiwezi kupoteza ukiwa na Meridianbet. Unarudishiwa 100% ya Tiketi yako ya kwanza.

Ingia mchezoni