Mijatovic - Ramos Lazima Amalize Soka Akiwa Madrid.

Mkataba wa Ramos utamalizika mwisho wa msimu 2020-21,kwa kipindi hicho Ramos atakuwa amefikisha umri wa miaka 35.

Walakini,Mijatovic hajamzuia Mhispania huyo kubakia katika klabu bali itakua ni vyema kama ataendelea kubaki katika klabu ya Madrid inaweza kumpa nafasi ya kufundisha kizazi cha baadaye akiwa hapo Los Blancos.

“Hatuwezi kuvumilia kuacha wachezaji wetu kwenda kusaidia timu nyingine, kwasababu wanatakiwa wawe wa kwetu,”Mshambuliaji huyo wa zamani wa Real Madrid aliiambia Stats Perform New.”Ningependa hii sera tuirudishe kwenye klabu yetu.

“Kwa bahati mbaya hili jambo halipo katika klabu ya Real madrid.Raul ana historia kubwa Real Madrid na aliondoka katika mazingira mabaya, Fernando Hierro yeye pia hivyo hivyo, Casillas pia.

“Sasa wanazungumzia  kuhusu Sergio Ramos kufanya kitu kile kile.Mkataba wake unatakiwa kuongezwa , miaka mili au mitatu, haijalishi. lakini huyu mtu anatakiwa kumaliza Soka lake akiwa na Real Madrid.

Madrid pia walimuacha Christiano Ronaldo kuondoka Bernabeu kwenda Juventus 2018, pia watamuacha Luka Modric anayetimiza miaka 35 mwezi Septemba.

Wachezaji wote walikua na mchango mkubwa katika kupata ubingwa wa Champion League mara tatu mfululizo wakati Zinedine Zidane alipo pewa timu kwa mara ya kwanza.

“Kama ninge kuwa katika klabu nisinge ruhusu wachezaji kama Christiano Ronaldo,Sergio Ramos na Luka Modric kuondoka katika klabu” Mijatovic aliendelea.

“Hao ni wachezaji ambao wanaweza kuwa na matokeo chanya kwa vijana watakao kuwa wanachipukia.