Uchambuzi Mechi ya AC Milan Dhidi ya Juventus.

AC Milan leo siku ya Jumanne wataumana na Juventus, ambao watakuwa wakitafuta ushindi wa tano mfululizo tangu kurejea kwa Serie A.

Juve wataelekea San Siro wakiwa wanaongoza ligi kwa tofauti ya alama saba mbele ya Lazio baada ya kuwafunga Bologna, Leece, Genoa,na Torino katika michezo yao minne waliyocheza.

Wakiwa kwenye mbio za kutetea ubingwa wa Serie A Juventus wamefunga magoli 13 wakati nyota wao raia wa Ureno Chridtiano Ronaldo akiweka kambani kwenye michezo yote aliyo cheza na kufanya afikishe goli 25.

Milan pia wapo katika kiwango kizuri tangu kurudi kwa ligi hiyo na hawana nia ya kupoteza mchezo huo baada ya kupoteza mchezo wa awali mwezi Novemba ambapo Juve walishinda 1-0 wakiwa uwanja wa nyumbani.

Ibrahimovic alifunga kwa mkwaju wa penati katika kipindi cha kwanza cha mchezo siku ya Jumamosi katika ushindi wa 3-0 katika dimba la Stadio Olimpico.

Mswideni huyo mwenye umri wa miaka 38 amefunga mara kumi kwenye ligi ya Serie A tangu ajiunge na AC Milan tangu ajiunge nayo tena aktokea klabu ya Galaxy yenye maskani yake USA.

Zlatan alishawahi kuichezea klabu ya Juventus kwa misimu miwili akitokea Ajax kwa dau la £12m mwezi Agosti mwaka 2004. Na mchezaji huyo atakuwa na kiu ya kuifunga klabu yake hiyo ya zamani.

Lakini Juve ambao watakuwa ugenini wanaonekana kuwa imara zaidi kwenye mtanange huo.
Upande wa Sarri wameshinda mechi kumi na Ronaldo ambae amezidi kuvunja rekodi kila akiingia uwanjani huenda akaweka rekodi mpya kwenye mchezo huo.