Chelsea Njia Nyeupe kwa Havertz

Mtendaji Mkuu wa Bayer Leverkusen, Fernando Carro amekiri klabu haina pingamizi kama Kai Havertz yupo tayari kupiga hatua nyingine katika maisha yake ya soka, huku kukiwa na taarifa kiungo huyo anakuhusishwa kuwaniwa na Chelsea na Bayern Munich.

Havertz, 21, amejitengeneza kuwa moja ya kiungo bora mdogo katika mpira wa Ulaya baada ya kushinda magoli 11 na kusaidia magoli matano kwenye msimu huu wa Bundesliga.

Chelsea tayari wamefikia makubaliano na Timo Werner mwanzo mwa mwezi huu na Havertz inaonekana huenda akaungana na Mjerumani kuelekea Stamford Bridge, kwani wote Frank Lampard amekuwa akiwania saini zao. Kiungo huyo wa Ujerumani amekuwa na msimu bora akiwa Bayer Leverkusen.

Japo, ripoti zinasema Bayern wapo kinara kwenye mbio hizo za kumwinda Havertz na wanaweza kufikia dau la £75 million kuliko Chelsea.

Alipoulizwa kuhusu tetesi za Havertz Mtendaji Mkuu wa Leverkusen Carro: ‘Vilabu vingi vinamhitaji. Naona mchezaji anataka kupiga hatua nyingine kwenye maisha yake ya soka.

‘Lazima uheshimu hilo na kutambua mkataba wake unamalizika 2022.’