Craig Gordon Awaaga Celtic

Golikipa mkongwe wa klabu ya Celtic na timu ya taifa ya Scotland, Craig Gordon amewaaga rasmi mashabiki, wachezaji na viongozi wa klabu hiyo kwa kuweka wazi kuwa msimu ujao wa ligi utakapoanza atakuwa na timu nyingine.

Nyota huyo mwenye umri wa miaka 37, mpaka sasa ameshacheza jumla ya michezo 242 akiwa na kikosi cha Celtic ndani ya miaka 6 aliyoitumikia klabu hiyo.

Craig Gordon, aliyewahi kuichezea timu ya Sunderland, hivi karibuni alipewa mkataba mpya na klabu yake ya Celtic lakini akagoma kuusaini. Mkataba huo unasemekana kuwa ulikua umeounguzwa vipengele vingi sana kwani klabu ilizingatia uwezo wa golikipa huyo hivi sasa pamoja na umri  ikumbukwe kuwa  Gordon hivi sasa amepoteza namba katika kikosi cha kwanza cha timu hiyo kwa golikipa mwingine Fraser Forster.

Pamoja na kuwa na maongezi na vilabu vingine, Gordon pia anaifikiria ofa ya kurejea katika timu yake ya zamani, Hearts!

Golikipa huyo mahiri atakumbukwa sana na wachezaji wenzake, benchi la ufundi pamoja na mashabiki wa Celtic kutokana na mafanikia aliyoyapata akiwa na timu hiyo. Gordon, akiwa na Celtic aliweza kushinda ubingwa wa ligi kuu Scotland mara 6, vikombe 5 vya ligi na Scottish Cup mara 3!

“Nimekuwa na miaka sita yenye mafanikio sana katika career yangu nikiwa hapa. Ningependa kuchukua fursa hii kumshukuru kila mtu aliyewezesha hili kwa namna moja au nyingine.” Alichapisha Gordon katika ukurasa wake rasmi wa mtandao wa Instagram.