Delle Alli Avamiwa Jijini London

Mshambuliaji wa Tottenham, Delle Alli alivamiwa na wezi Jumatano asubuhi akiwa nyumbani kwake London.

Nyota huyu alipigwa usoni na wavamizi wawili waliokuwa na silaha, na kuamuru kutolewa kwa vitu vyote vya thamani walivyokuwa navyo.

Kwa mujibu wa chanzo cha The Sun, Alli mwenye umri wa miaka 24 alikuwa akicheza Pool na kaka yake na mpenzi wake nyumbani kwao maeneo ya Hadley Wood, Kaskazini Mashariki wa jiji la London, na ilikuwa mapema asubuhi tukio hili lilipotokea.

Wavamiaji ambao walijizuia nyuso zao kwa maski walitokomea na saa na vitu vingine vya thamani mali ya Allin na Mpenzi wake Ruby Mae.

Alli amesema kuwa hilo ni tukio baya kuwahi kumtokea. Amewashukuru watu wote wanaomtumia salamu za pole.

Mamlaka za polisi zimeweka wazi kuwa mpaka sasa hakuna mtu yeyote anayeshikiliwa kwa kuhusishwa na tukio hilo, huku jitihada za kuwabaini na kuwatia nguvuni wahusika zikiendelea!

Msemaji wa klabu ya Spurs, aliweka wazi kuwa klabu imekuwa ikijitahidi kutoa sapoti inayohitajikwa kwa Dele na wenzie ambao anaishi nao karantini. Klabu imetoa wito kwa yeyote mwenye taarifa za washukiwa basi anaweza kuwasaidia polisi.