FIFA Imeahirisha Women's Under-17 World Cup!

Ile michuano ya wanawake imeahirishwa mpaka mwaka 2021, naam, ni ile ya women’s Under-17 World Cup ambayo ilipangwa kufanyikia India mwezi Novemba mwaka huu, kwa sasa imesogezwa mbele kwa miezi mitatu, FIFA walisema hayo siku ya Jumanne.

Hii inakuwa pigo lingine kwa wapenda michezo baada ya michezo mingi duniani kusimamishwa kwa muda.

Michuano, iliyopangwa kufanyika katika majiji matano, kwa sasa itaanza mnamo mwezi Februari ifikapo tarehe 17, bodi ya michezo inayoongoza mashindano hayo iliweka wazi suala hilo.

India inatarajiwa kuongeza umaarufu wake kimataifa kwa kuwa wenyeji wa michuano hiyo na imekuwa hivyo mara baada ya kusimamia michuano ya Under-17 World Cup mwaka 2017 kwa upande wa wanaume.

“Waandaaji wote katika majiji yaliyopangwa wameweka juhudi zao na kuelekeza nguvu zao zote mpaka sasa katika kuhakikisha mambo yanakuwa sawa kabisa, nasi tunayo furaha kwani tarehe mpya zilizotajwa zitawapa nafasi wao kujiandaa vyema zaidi kwa muda walioupoteza mwanzoni na kusonga mbele zaidi.” Kamati ya ndani ya uandaaji wa mashindano hayo ilisema hayo mara baada ya tangazo hilo la FIFA.

Pia, FIFA wameweka wazi juu ya tarehe mpya za michuano ya mwaka huu ya U-20 Women’s World Cup inayofanyika kule Costa Rica na Panama. Kwa sasa itachezwa ifikapo mwezi Januari tarehe 20 mpaka mwezi Februari tarehe 6, 2021.

Na kwa upande mwingine tena michuano ya mwaka 2020 FIFA Futsal World Cup iliyopangwa kufanyikia huko Lithuania imesogezwa mpaka mwezi Septemba tarehe 12 mwakani.

Kwa wakati huu, mkutano wa 70 wa FIFA ambao ulitakiwa kufanyika nchini Addis Ababa utafanyika kwa njia ya mtandao ifikapo mwezi Septemba tarehe 18 mwaka huu.

Michezo mingi duniani imesimama kwa muda kutokana na uwepo wa mlipuko wa ugonjwa wa Corona na kuathiri michezo mingi duniani ingawa mingine inachezwa bila ya uwepo wa mashabiki.

Kuna ligi ya South Korea iitwayo K-League imerudi Ijumaa iliyopita na ligi ya Ujerumani, Bundesliga inarejea hewani leo hii bila ya uwepo wa mashabiki viwanjani.