Ansu Fati ni Habari Nyingine Kubwa Katika Soka Ulimwenguni

Ansu Fati ni mzaliwa wa Guinea – Bissau anaye kipiga kwenye timu ya Barcelona ni mshambuliaji wa pembeni anaye tumia vyema mguu wake wa kushoto, amekuzwa na kulelewa katika kituo cha kufundishia  soka cha la masia katika  klabu ya Barcelona.

Kinda huyo aliye na umri wa miaka 17 aliwahi kutajwa kuhusishwa na uhamisho wa kwenda timu ya Juventus lakini taarifa hizo zilikanushwa kipindi cha nyuma.

Fati ambaye alikwezwa ngazi kutoka akademia ya Barcelona kuchezea kikosi cha kwanza msimu huu, aliweka historia Septemba 2019 kwa kuwa mchezaji wa umri mdogo zaidi  Camp Nou kuwahi kufunga bao ndani ya jezi za wapambe hao wa Ligi Kuu ya Uhispania (La Liga)

Kuchezeshwa kwake katika msururu wa mechi za baadaye katika La Liga na Klabu Bingwa Ulaya (UEFA) kulichochewa pia na jeraha lililokuwa likiuguzwa na nahodha Lionel Messi ambaye alikuwa mwingi wa sifa kwa chipukizi huyo hasa baada ya ushirikiano mkubwa kati yake na sajili mpya Frenkie De Jong kuwatatiza sana mabeki wa vikosi pinzani.

Kulingana na Valverde, Fati ana uwezo wa kumpiku Cristiano Ronaldo wa Juventus na timu ya taifa ya Ureno na kufikia kiwango cha Messi hivi karibuni. Kufikia sasa mwishoni mwa mwaka 2018 Fati ambaye kwa sasa kiwango chake kinalinganishwa na cha chipukizi Kylian Mbappe wa Paris Saint-Germain (PSG) na timu ya taifa ya Ufaransa, bado hakuwa amechezea taifa lake la Guinea-Bissau.