Mchezaji wa klabu ya Bayern Munich raia wa kimataifa wa Senegal Sadio Mane amesimamishwa kuendelea kuitumikia klabu hiyo baada ya tukio lake la kumshambulia mchezaji mwenzake ndani ya timu hiyo Leroy Sane.
Mshambuliaji Sadio Mane ameripotiwa kumpiga ngumi usoni mshambuliaji mwenzake wa klabu hiyo Leroy Sane kwenye vyumba vya kubadilishia nguo baada ya kua na majibazano uwanjani katika mchezo wa ligi ya mabingwa ulaya dhidi ya klabu ya Manchester City siku ya jumanne usiku.
Baada ya kitendo alichokifanya mshambuliuaji huyo klabu ya Bayern Munich imetoa taarifa kua mchezaji huyo atafungiwa kwa muda kutocheza mchezo wowote wa klabu hiyo ikiwemo mchezo wa wikiendi hii dhidi ya Hoffeinhem kwenye ligi kuu ya Ujerumani Bundesliga.
Sadio Mane pia inaelezwa atapigwa faini kutokana na kitendo ambacho kimetokea cha kumshambuliaji mchezaji mwenzake, Huku mpaka sasa chanzo rasmi cha ugomvi kati ya nyota huyo wa zamani wa Liverpool dhidi ya Leroy Sane kikiwa hakijajulikana au kuwekwa wazi.
Mshmbuliaji Sadio Mane amekua hana wakati mzuri ndani ya klabu ya Bayern Munich siku za karibuni baada ya kutoka kwenye majeraha, Vyanzo mbalimbali kutoka nchini Ujerumani vimeanza kuripoti mchezaji huyo hana furaha klabuni hapo wengne wakimuhusisha kurudi ndani ya Liverpool.
