Eto'o: Ronaldo Delima Ndie Mshambuliaji Bora wa Muda Wote

Samuel Eto’o anaamini mshindi wa Ballon d’Or mara mbili, Ronaldo De Lima ndiye mshambuliaji bora zaidi yake na wa wakati wote. Ronaldo alikuwa mashuhuri kwa uwezo wake wa kufunga mabao mengi kwa Brazil na katika ngazi ya klabu kwa Barcelona, ​​Real Madrid, PSV, na Inter Milan akifunga mamia ya magoli yake katika maisha yake ya soka ambayo yalidumu kwa miaka miaka 18.

Kando na mafanikio yake katika ngazi ya klabu, mchezaji huyo mwenye umri wa miaka 43 alishinda Kombe la Dunia mnamo 1994 na 2002, na akatunukiwa Tuzo ya Mchezaji bora wa Dunia wa FIFA mara tatu, wakati akishinda Ballon d’Or mnamo 1997 na 2002… Alipoulizwa juu ya washambuliaji bora wa wakati wote, Eto’o – ​​ambaye alidai kuwa mchezaji bora kabisa wa Kiafrika aliyewahi kutokea, alimtaja legend huyo Brazil, kwa jina la utani aliloitwa ‘El Fenomeno’ – neno la Kireno likimaanisha Phenomenon.

“Bora zaidi kuliko wote alikuwa Ronaldo, ‘O Fenomeno’,” Eto’o alinukuliwa akisema kwenye mahojiano ya moja kwa moja na AS.
“Nina heshima kubwa na sifa kwake… Halafu kuna wengi wetu ambao tunakuja nyuma yake, na ningejumuika kati yao”.

Nyota huyo wa zamani wa Barcelona alimchagua mchezaji mwenzake wa zamani, Lionel Messi na Mshindi Mara sita wa Balloon d’Or kama mchezaji bora ambaye bado yupo katika soka wakati nyota wa PSG Kylian Mbappe amemtabiria kuja kufanikiwa na kutawala kama Nahodha huyu wa Argentina katika siku zijazo.