Giuseppe Marotta anasema Inter Milan haijawahi kukosa imani na Simone Inzaghi lakini lazima klabu itafute tiba kufuatia kichapo cha 1-0 cha Serie A dhidi ya Bologna siku ya Jumapili.
Riccardo Orsolini alifunga bao pekee katika mchezo huo na kuwaacha Nerazzurri wanaoshika nafasi ya pili kwa pointi 18 nyuma ya vinara wa ligi hiyo Napoli.
Mshambuliaji Lautaro Martinez alionya Inter haitafikia popote wakiendelea kucheza hivyo baada ya msururu wa kutopata matokeo kwenye baadhi ya mechi.
Mkurugenzi Mtendaji wa Inter Marotta ana imani kamili na kocha mkuu Inzaghi, lakini anataka uthabiti zaidi.
Aliiambia Sky Sport Italia: “Sisi ni wahusika wakuu katika Ligi ya Mabingwa na katika Coppa Italia, lakini katika mashindano ambayo ni muhimu zaidi, ubingwa, kuna kutoendelea kwa matokeo lakini tunamuumini Inzaghi.”
Aliongeza kuhusu Inzaghi ni wajibu wao kumuunga mkono na mashabiki na ni kocha mzuri, kijana na aliyejipanga vyema. Na pia hawajawahi kukosa imani nae. Marotta hana uhakika kama mshambuliaji anayecheza kwa mkopo Romelu Lukaku atakuwa San Siro msimu ujao.
Alisema: “Kuzungumzia suala hilo sasa ni mapema. Mwezi Juni, atarejea Chelsea na kisha mazingira mapya yatafunguka na tutaona cha kufanya. Anataka kubaki, hakika tukimjua tutaona kama itakuwa hivyo kuweza kufanya mazungumzo ya kurejea kwetu.”
