Hapa Makame, Pale Zawadi Mauya na Huku kuna Tonombe

Viungo wakabaji waliopo pale Yanga kwa sasa, Abdul Aziz Makame ‘Bui’, Zawadi Mauya na Mukoko Tonombe. Fei Toto pia amewahi kucheza kama holding midfielder. Hakuna hata mmoja anayemsogelea Sergie Mukoko. Hakuna hata wa kumlinganisha naye, Simaanishi ubaya wala kuwakejeli akina Bui ila kwangu mimi Sergie is far better.

Makame anakaba sana, ambayo ni kazi ya msingi ya kiungo mkabaji ila hakupi chochote katika uchezeshaji wa timu. Anahitaji kucheza na viungo wabunifu sana mbele yake. Zawadi anacheza mpira mwingi ila hakupi sana wakati wa kukaba.

Anapiga pasi nyingi, ila pasi zake atapiga nyuma au pembeni tena za umbali mfupi. Hafikiri kabisa kufikisha timu mbele. Anapenda kucheza mpira salama (Safety football). Zaidi pia, Zawadi ni aina ya wale viungo ambaye huwezi kumpa jukumu la kukaba peke yake. Si mfukuzaji mzuri wa mpira.

Mukoko Tonombe? Kwanza anakaba vema. Itatokea kwa bahati mbaya sana Yanga wawe wanashambuliwa iwe hajafika kuungana na mabeki wa kati. Pili ni aina ya viungo wanaofikiri timu kufika mbele zaidi ya kuwa salama. Atapiga pasi fupi kukiwa hakuna njia, atacheza pasi ndefu kwenda pembeni na kwa washambuliaji wa katikati, majukumu kama ya kiungo mchezeshaji kabisa haya.

Ataingia ndani ya box kushambulia ukiwa hutarajii. Ataokota mipira nje ya box na kufanya hatari. Hawa akina Mukoko huwapati kirahisi. Nafikiri akina Mauya wana darasa la kuchukua kwake kwa hii miaka miwili.

FURAHIA KASINO YA MTANDAONI

Tembelea ardhi ya maajabu ushangazwe na mengi ikiwa ni pamoja na urahisi wa kujipatia utajiri kupitia Kasino ya Meridianbet.

Cheza Sasa