Hazard Amka Tayari Kumekucha

Tupo katika zama ambazo, Lionel Messi hayupo katika orodha ya wafungaji bora Ulaya. Ni zama hizi ambazo Cristiano Ronaldo ameshindwa kuchukua kiatu cha mfungaji bora wa Serie A kwa misimu miwili mfululizo. Ni zama hizi ambazo Kylian Mbappe na Erling Halland hawashikiki sokoni. Ni zama hizi ambazo dunia inawaweka Alphonso Davies na Trent Alexander-Arnold juu ya Marcelo. Zama zimeenda wapi?

Ninapowaza hivi, ndio ninaamini zama zimebadilika. Muda umebadilika na dunia siyo ile tena. Siyo ile tena ya Lionel Messi kufananishwa na miungu na Ronaldo kuaminika alitengenezwa maabara. Dunia siyo ile tena. Dunia ya sasa ni hii ya Sadio Mane, Mohamed Salah na Kelvin De Bruyne. Ndiyo dunia yao hii. Walisubiri kaka zao wapite. Sasa ni zamu yao kutamba.

Ila yupo wapi Eden Hazard? Yule aliyewapa Chelsea Europa pale Baku. Yule aliyewanyima Tottenham ubingwa. Yule Hazard aliyewakokota Arsenal umbali wa mita 50 kisha akawatungua. Ameenda wapi? Yule mchezaji bora wa epl mwaka 2015. Nani anajua alipo?

Mara ya mwisho alionekana akisajiliwa Real Madrid kwa pauni 100 milioni. Kila mtu aliridhika na lile dau. Hakuna aliyekuwa na mashaka. Hata uso wa Perez haukuwa na wasiwasi, ile siku anamtambulisha mbele ya mashabiki wa Real Madrid pale Santiago Bernabeu. Alishindwa tu kuwaambia kuwa nimemleta mrithi wa Ronaldo. Ila moyoni mwake alijua hivyo. Hata mashabiki jukwaani walijua hivyo. Wakamkabidhi jezi namba 7.

Nyuma aliwaacha mashabiki wa Chelsea na majonzi makubwa moyoni. Ila waliridhika kwa yale aliyowafanyia. Wakiamini anaenda kupata mafanikio ambayo asingeyapata kwao. Zaidi ya yote, Hazard alikuwa anaenda kuichezea timu ya ndoto zake. Isitoshe, alikuwa anaenda kufanya kazi na shujaa wake. Zinedine Zidane. Mtu aliyemfanya aupende mchezo wa soka.

Ila msimu sasa umeondoka. Hazard hajawa yule Ronaldo Real Madrid waliomdhania. Amefunga bao moja na kutoa assit 4 msimu mzima. Huyu siyo Hazard aliyemnyima Mourinho usingizi. Siyo Hazard aliyeitwa mchezaji bora baada ya Messi na Pep Guardiola. Huko ulipo Eden, tafadhali rudi maana dunia bado imelala inakusubiri uiamshe.

Umekuwa mteja muaminifu wa meridianbet? Basi fahamu kuwa kuna zawadi kibao hadi 5% ya pesa yako inarejeshwa kwako. Kila wiki unaweza kurudishiwa mpaka Tsh 250,000.

Soma zaidi