Likizo kwa Higuain ni Mwanzo wa Uhamisho?

Juventus wanaripotiwa kuwa wamemuongezea likizo nyota Gonzalo Higuain kwa sababu binafsi. Taarifa zinaonya kuwa hii inawezekana kuwa ni hatua katika mpango wa kuondoka klabuni hapo.

Kwa mujibu wa chapisho la Tuttorsport, staa huyu ameongezewa mda wa siku tano zaidi wa kurejea klabuni hapo. Higuain anatarajiwa kurejea kutoka Argentina baada ya kuisha kwa mda alioongezewa.

Taarifa zinataja kuwa staa huyu amekawia kurejea Italia kwa sababu aliamua kuwa na mama yake ambaye anagua, na hakuwa anapenda kumuacha mama yake huyo peke yake. Huenda hii ikawa ni hatua moja kuelekea mpango wake wa kuondoka klabuni hapo.

Wachezaji wengine ambao waliamua kuondoka Italia, baada wakati kukiwa na masharti ya kusalia karantini tayari wamerejea. Juventus bado inamkosa pia Adrien Rabiot.

Wachezaji wote wanaorejea Italia wanatakiwa kukaa karantini kwa lazima kwa angalau wiki 2. Klabu bado hazijaanza mazoezi ya makundi kama timu, hivyo bado wachezaji wanaweza kufanya mazoezi wakiwa popote.

Ripoti zinasema Higuain, pamoja na mwenzake Rabiot wameiweka klabu katika sintofahamu kwakuwa hawakutarajiwa kama kufanya hivyo, hivyo suala hili linatarajiwa kuathiri hatma ya wachezaji hawa pale Juventus.