Manchester City imemaliza ununuzi wa wachezaji wenye thamani ya dola milioni 150 kabla ya Kombe la Dunia la Vilabu kwa kumsajili kiungo wa Uholanzi Tijjani Reijnders kutoka AC Milan.
Reijnders, mwenye umri wa miaka 26, amejiunga na timu hiyo kwa ada ya awali ya euro milioni 55 (dola milioni 63) na ni kiungo wa pili baada ya mchezaji wa Ufaransa Rayan Cherki kuwasili wakati wa dirisha la usajili la Juni 1–10, lililofunguliwa ili kuruhusu timu zitakazoshirikia Kombe la Dunia la Vilabu kurekebisha vikosi vyao.
City pia ilimsajili beki wa kushoto wa Algeria Rayan Aït-Nouri kutoka Wolverhampton kwa dola milioni 42 na kuwalipa Lyon dola milioni 41 kwa Cherki.
Baada ya kumkosa Florian Wirtz, ambaye inaripotiwa yuko karibu kujiunga na Liverpool, Manchester City ilitumia takriban kiasi sawa cha fedha kwa kuwasajili wachezaji hao watatu.
Usajili huu unakuja baada ya matumizi ya dola milioni 200 katika dirisha la msimu wa baridi, na kufanya matumizi ya Manchester City ya 2025 kufikia zaidi ya dola milioni 350 huku klabu hiyo iliyo chini ya Pep Guardiola ikijiandaa kurejesha taji la Ligi ya kutoka kwa Liverpool.
Reijnders hivi karibuni alitajwa kama kiungo bora wa Serie A baada ya msimu wa mafanikio ambapo alifunga mabao 15 na kutoa pasi za mabao tano katika mashindano yote ya AC Milan iliyokuwa ikipambana kupata nafasi ya kushiriki michuano ya Ulaya.
Bila kusahau meridianbet ndio wakali wa ODDS KUBWA, Machaguo zaidi ya 1000 na kila kitu ukitakacho. Bashiri kijanja hapa
Alijiunga na Milan kutoka AZ Alkmaar mwaka 2023 kwa zaidi ya euro milioni 20 wa miaka saba hadi 2030, sawa na muda ambao sasa amesaini na City.
Reijnders alisema amefurahi sana kujiunga na City: “Ni ndoto iliyotimia kucheza katika Ligi ya Uingereza. Wachezaji wengi wa juu wa Uholanzi wamefanya vizuri hapa, na inatia moyo kufuata nyayo zao.”
Mkurugenzi wa soka Hugo Viana alisema Reijnders, anayejulikana kwa uwezo wake wa kukokota mpira, ataleta nguvu za ziada, utulivu na ubunifu kwenye nafasi ya kiungo.
City imetangaza usajili huo siku moja baada ya dirisha la usajili kufungwa lakini inaripotiwa kuwa ilikamilisha makubaliano kabla ili Reijnders aweze kushiriki katika Kombe la Dunia la Vilabu, linaloanza Jumamosi.
City iko katika kundi moja na Juventus, Al Ain, na Wydad Casablanca, na itafungua kampeni yake Juni 18.
