Mattia Zaccagni Atatimba Napoli au Milan?

Klabu za Napoli na AC Milan zinaripotiwa kuwa kwenye kwenye vita ya kumnasa nyota wa Hellas Verona Mattia Zaccagni huku Milan wakitajwa kuwa tayari wameshawasilisha dau la awali la €12m.

Kiungo huyu mwenye miaka 26 tayari ana magoli manne na pasi za mwisho 15 kwenye Serie A msimu huu, na kwa mujibu wa ripoti mjini Italia, klabu zote Napoli na Milan zipo mazungumzoni na Verona kwa ajili nya kuinasa saini ya staa huyu.

Kwa mujibu wa jarida la Gazzetta dello Sport, Zaccagni hatarajii kuongeza mkataba wake klabuni hapo na mkataba wake wa sasa unaisha Juni 2022 na Verona wapo tayari kumuuza nyota huyu kwenye dirisha la uhamisho la mwezi huu wa Januari, ikiwa atasalia kwa mkopo huko Bentegodi hadi mwisho wa msimu.

Milan wameripotiwa pia kuwa na nia ya kumsaini Matteo Lovato, mwenye miaka 20 ambaye nafasi yake ni mlinzi na mkataba wake na Verona unaisha Juni 2024.