Mbappe na Neymar Hawawezi Kuwa Messi na Ronaldo!

Mbappe na Neymar wangekuwa wafalme wapya? Ulimwengu wa soka umeshuhudia kwa mara ya kwanza ndani ya miaka 15, hatua za nusu fainali na fainali ya Ligi ya Mabingwa Ulaya zikichezwa bila uwepo wa Lionel Messi na Christiano Ronaldo!

Kipigo cha aibu, 8-2 cha Bayern Munich kwa Barcelona katika hatua ya robo fainali kilihitimisha safari ya Messi kwenda Lisbon huku safari ya Ronaldo ikitamatishwa na Lyon katika hatua ya 16 tu ya mashindano hayo.

Hii inaweza kuwa mwanzo wa mwisho wa ufalme ambao Messi na Ronaldo waliuanzisha katika soka la Ulaya. Wengi tulitazamia kuwa ufalme wa wakali hao ungerithiwa na wakali wengine, Mbappe na Neymar! Lakini baada ya mechi ya jana kati ya timu yao PSG na Bayern Munich inabidi tujiulize tena juu ya hili.

Mbappe na Neymar: Wameshindwa Kuifanya PSG Ibebe UEFA Yao ya Kwanza

Wakati Messi akiwa sehemu ya kikosi kilichobeba UEFA mwaka 2006 dhidi ya Arsenal pale Paris, kuwa mchezaji wa muhimu na alieibeba Barcelona katika ushindi dhidi ya Manchester United mwaka 2009 pale Rome huku akiwa na miaka 19 tu, Kylian Mbappe na Neymar wameshindwa kuipa Paris Saint-Germain ubingwa wake wa kwanza wa Ligi ya Mabingwa.

Mbappe na Neymar hawakuonesha viwango vya kuridhisha katika fainali hiyo kati yao dhidi ya Bayern Munich, mechi iliyoisha kwa PSG kukubali kipigo cha 1-0!

Wameshindwa Kutumia Nafasi Vizuri

Wote, Mbappe na Neymar walipata nafasi nyingi kipindi cha kwanza ambazo wangezitumia kuongoza mchezo huo lakini hawakufanya hivyo, hata walivyoaminiwa na kocha kuendelea kubaki kipindi cha pili hawakuisaidia timu kusawazisha matokeo kwa timu yao.

Kama Neymar angekua makini, angeiwezesha PSG kupata goli la kuongoza katika dakika ya 18 tu ya mchezo lakini shuti lake dhaifu lilizuiliwa kiurahisi kabisa na Manuel Neuer.

Mbappe nae alipata nafasi adhimu ya kufunga dakika chache kabla ya mapumziko, kocha na benchi zima la ufundi walishasimama kushangilia.

Mashabiki wa PSG kuanzia kule Paris, Lille, Bordeaux na Dar es Salaam, Mbeya mpaka Lindi waliokuwa wanafuatilia mechi kupitia luninga tayari walishaanza kushangili, lakini alichokifanya ni yeye mwenyewe ndo’ anajua! Alichopiga hakina hata hadhi ya kuitwa kijishuti mtoto!

Hata kipindi cha pili baada ya PSG kuwa wanaongozwa kwa goli moja, bado Mbappe na Neymar walishindwa kuonesha ubora wao kuisaidia timu. Dakika za mwisho za mchezo zilishuhudia Neymar akishindwa kufanya maamuzi sahihi akiwa ndani ya eneo la hatari la adui, hakuliona lango wala mwenzie wa kumpasia!

Umri wa Neymar, hapana! Labda Mbappe

Neymar mpaka sasa ana umri wa miaka 28, fainali hii ilikua ni nafasi yake ya pekee kuonesha ubora wake. Kuonesha kwamba anaweza kuwa mrithi wa mmoja kati ya Messi ama Ronaldo. Zaidi kuonesha kuwa anaweza kushinda klabu bingwa nje ya kivuli cha Messi. Kwa kiwango alichokionesha jana, ni wazi kuwa hajayapatia jibu stahili maswali hayo na ubaya ni kuwa tayari anaielekea miaka ya 30s.

Kwa upande wa Kylian Mbappe yeye bado anayo nafasi ya kuwa bora kama magwiji hao, lakini kwa siku ya jana bado hakufanya hivyo. Labda anaweza kusingizia kuwa alitoka kwenye majeraha  ya enka, lakini asisahau kuwa alicheza katika mchezo wa nusu fainali! Mbappe hivi sasa ana miaka 21, bado ana miaka mingi ya kucheza, labda huko mbeleni anaweza kututhibitishia kuwa yeye ni bora kama Messi ama Ronaldo, lakini kwa jana HAPANA!

Beti Mbio za Mbwa Mubashara

Hii ni rahisi zaidi! Hapa USHINDI unaupata kwa kuchagua mbwa anayeshinda mbio na machaguo mengine yenye odds tamu.

Cheza Hapa