Kingsley Coman: Mfalme wa Lisbon

Wamezoea kumuita ‘The King’ wanapokuwa mazoezi. Katika kudhihirisha ufalme wake, Kingsley Coman akawatoa machozi Neymar na Mbappe.

Mchezo wa fainali ya Ligi ya Mabingwa – UEFA kati ya PSG na Bayern Munich uligubikwa na majina ya mastaa wa PSG , Neymar na Mbappe. Ila kama ilivyokawaida, mpira unadunda dakika 90. Haikuwa Lewandowski wala nyota wa PSG ambao wamefanya usiku uwe wa aina yake ila ni Kingsley Coman – The King

Katika badiliko pekee kwenye kikosi cha Hans Flick, Coman alichukua nafasi ya Ivan Perisic kama winga wa kushoto. Goli lake la kichwa lilitosha kupeleka shangwe Ujerumani na kuwaacha Ufaransa wakitoa machozi.

Kingsley Coman shujaa wa Bayern Munich.

“Nina furaha isiyokifani lakini pia ninawahurumia PSG. Inaniuma kidogo japokuwa mimi ni Bayern 100%” amesema Kingsley Coman.

“Pengine msimu huu [Coman] ametoka kwenye vivuli vya Ribery na Robben. Ana kipaji cha hali ya juu na amekionesha leo, anaweza kufunga magoli.” amesema Hans Flick.

“Kwa yeye kufunga lile goli baada ya kuwa majeruhi kwa muda mrefu, ni jambo la faraja kubwa” amesema Serge Gnabry.

“Tulikuwa tunafikiria mabadiliko mawili ambayo pengine Bayern wangeyafanya, lakini tulishangazwa kuona Coman ameanza. Perisic alifanya vizuri kwenye michezo yao iliyopita, kulikuwa na kasi kubwa na kutumia muda mwingi kujilinda.” amesema kocha wa PSG – Thomas Tuchel.

Coman aligusa mpira mara 38 na kumpatia wakati mgumu beki wa kulia wa PSG – Thilo Kehrer. Muda wake wa kufanya maajabu ulionekana kipindi cha pili baada ya kupachika goli na kumfanya kuwa Mfaransa wa 5 kufunga goli kwenye Fainali ya UEFA na wa kwanza kufunga goli dhidi ya timu ya Ufaransa.

Beti Mbio za Mbwa Mubashara

Hii ni rahisi zaidi! Hapa USHINDI unaupata kwa kuchagua mbwa anayeshinda mbio na machaguo mengine yenye odds tamu.

Cheza Hapa