Ronaldo Akosa Penati, Juventus Watinga Fainali Kibishi

Mchezo wa nusu fainali ya pili ya Coppa Italia kati ya Juventus dhidi ya AC Milan umemalizika kwa sare ya bila kufungana (0-0).

Matokeo hayo yamewafanya Juventus wasonge mbele katika hatua inayoufuata, yaani fainali licha ya matokeo ya mechi ya nusu fainali ya kwanza ambapo walitoa sare pia lakini ya 1-1, hivyo basi Juventus amepita kwa faida ya goli la ugenini.

Hata hivyo Juventus wangemaliza kazi mapema katika dakika ya 16 tu ya mchezo ambapo Juventus walizawadiwa mkwaju wa penati mara baada ya VAR kuthibitisha kuwa mchezaji wa AC Milan aliunawa mpira katika eneo la hatari lakini Christiano Ronaldo aliyepewa jukumu la kupiga penati akakosa kwa kugongesha kwenye mambo.

Mchezo wa fainali utachezwa siku ya Jumatano na unatarajiwa kuwakutanisha Juve na mshindi wa mechi ya Napoli dhidi ya Inter Milan ambao utapigwa leo.

Gemu zingine kuelekea mwisho wa wiki

Kwingineko Hispania, Getafe wamekubali kipigo cha magoli mawili kwa kwa moja kutoka kwa Granada huku Levante wakimlazimisha Valencia kwa sare ya 1-1.

Ligi kuu ya Ujerumani, Bundesliga imeendelea kwa mchezo mmoja uliowakutanisha RB Leipzig dhidi ya Hoffenheim na RB Leipzig wamefanikiwa kushinda 2-0.