San Siro Unaweza Kubomolewa Kupisha Ujenzi Mpya

Uwanja maarufu wa San Siro ndani ya jiji la Milan, ambao unatumika na vilabu vya AC Milan na Inter Milan, unafikiriwa kubomolewa ili kuweza kupisha ujenzi wa uwanja mwingine, hii ni kutokana na kukubaliwa na mamlaka ya urithi ya Italia.

Suala hili bado lipo katika hatua za awali. Mwaka uliopita klabu hizi mbili zilituma maombi ya pamoja ya kujenga uwanja mpya ambao utachukua watazamaji 60,000 hapo hapo kwenye uwanja wa sasa.

Mamlaka inayohusika na mambo ya urithi Italia sio mwamuzi wa mwisho wa kuruhusu kuvunjwa kwa uwanja huu. Ndiyo maana swala hili linaendelea kutajwa kama “Uwezekano”.

San Siro ya sasa imepitia maboresho kadhaa, na ni mambo machache sana ya kale yamesalia kama sehemu ya zamani sana ya uwanja iliyobakia.

Wamiliki wa eneo hilo kwa ujumla wake ni Manispaa ya jiji la Milan, na kwa maoni yao hawajaona ulazima wa kutokubomoa uwanja huo wote.

Awali kuliripotiwa kukiwa na ubishani wa hapa na pale juu ya kuuvunja uwanja wote kabisa kutokana na kutofautiana kwa mitazamo kwa baadhi ya wadau. Baadhi ya wawakilishi wa jiji la San Siro, akiwepo Meya Giuseppe Sala wamekuwa wakihoji mpango wa kuvunja kabisa San Siro.

Lakini majadiliano yaliyoafikiwa na wengi ambayo ndiyo yanatarajiwa kufika mbali ni kuhusu kubadilisha kabisa uwanja huu na uwanja mwingine mpya.