Kepa Arrizabalaga Anatakiwa na Baadhi ya Timu za La Liga

Golikipa wa klabu ya Chelsea, Kepa Arrizabalaga yupo katika rada ya timu ya La Liga, Valencia kwa mujibu wa ripoti ya Sport.

Kepa Arrizabalaga Alicheza katika klabu ya Athletic Bilbao, alicheza michezo yake ya kwanza kwa mkopo katika klabu ya Ponferradina na Real Valladolid, katika Segunda División. Kisha akarudi kwenye klabu yake ya kwanza, akiendelea kuonekana katika mechi 54 katika mashindano yote; mwaka 2018, alijiunga na klabu ya Chelsea.

Licha ya kiwango kibovu mwishoni mwishoni kabla ya mpira ya miguu kusimama, anabaki kuwa golikipa ghali zaidi duniani baada ya The Blues kuilipa Athletic Bilbao Pauni milioni 71 ($86m) kuipata huduma yake mnamo 2018.

Kepa alikwazana na aliyekuwa mkufunzi wa zamani wa Chelsea, Maurizio Sarri katika msimu wake wa kwanza huko Stamford Bridge baada ya kukataa kubadilishwa, wakati Frank Lampard amempiga benchi katika mechi kadhaa akimpendelea Willy Caballero… Baada ya kiwango chake cha chini, Valencia imeandaa ofa ya kumsajili kipa huyo mwenye umri wa miaka 25.