Sancho Amuenzi Floyd kwa ‘Hat-Trick'

Nyota wa Borussia Dortmund na timu ya taifa ya Uingereza, Jadon Sancho ameonesha hisia zake juu ya kifo cha mmarekani mweusi, George Floyd alieuawa na polisi nchini Marekani kwa kuonesha fulana iliyoandikwa ‘Justice for Floyd’ aliyovalia ndani ya jezi katika mchezo wao wakiwawabili Paderborn.

Hatua hiyo imetafsiriwa kama kuwaunga mkono mamia ya waandamaji katika miji mbalimbali nchini Marekani wanaoandamana ili kushinikiza haki itendeke juu ya tukio hilo lililotokea katika mji wa Minneapolis.

Nyota huyo wa kimataifa wa England, alionesha fulana hiyo bada ya kufunga katika yenye maandishi “Justice for George Floyd” baada ya kufunga goli moja katika ushindi wa magoli 6-1 waliyoshinda huku yeye pekee akifunga matatu katika hayo.

Magoli mengine ya Dortmund yalifungwa na Marcel Schmelzer na Achraf Hakimi ambaye nae alionesha fulana yenye maandishi sawa na ile ya Jadon Sancho, ‘Justice for George Floyd’. Hata hivyo tukio hilo lilipelekea muamuzi wa mchezo huo amzawadoe Sancho kadi ya njano!

Magoli hayo matatu ya Sancho yanamfanya Sancho kuwa amehusika katika magoli 33 (yote ya kufunga na assists) na kuwa mchezaji aliyehusika katika magoli mengi zaidi katika ligi zote kubwa Ulaya nyuma ya Robert Lewandowski.

Ushindi huo wa kishindo wa Borussia Dortmund ni majibu kwa kipigo cha goli moja kwa bila walichokubali kupokea kutoka kwa mabingwa Bayern Munich na unafanya wazidi kujikita katika nafasi ya pili ya msimamo wa ligi ‘Bundesliga’ wakiwa na alama zao 60 nyuma ya vinara Bayern Munich wenye jumla ya alama 67 kileleni katika msimamo.