Danadana Kurejea kwa EPL

Bado kuna dana dana katika maamuzi ya lini haswa Ligi Kuu ya Uingereza itarejea. Mpango na mapendekezo ya wengi ni kurejea mapema Juni, au kabla lakini mpaka sasa mpango huu unaonekana hauwezi kutekelezeka. Klabu za za EPL zinafanya kikao maalumu Jumatatu hii kujadili zaidi.

Mpango wa awali ulikuwa ni kuanza michuano tena bila kuwa na mashabiki uwanjani, na kuhakikisha kila mchezaji, kocha na washirika wote wa uwanja ambao unatumika wanafanyiwa vipimo kwa ajili ya kuhakikisha usalama zaidi wa kila mtu.

Hata hivyo, serikali inatarajiwa kuruhusu mazoezi ya makundi ya wachezaji wachache jumatatu mapema wiki hii. Kwa sasa wachezaji wamelazimika kuendelea mazoezi binafsi. Waziri mkuu arisema kuwa Uingereza wanaruhusiwa kufanya michezo lakini ni kwa washirika wa familia tu.

Kuna mapendekezo ya kutumika kwa “Neutral Venues”, Viwanja vya wote kwa pamoja, sio kila mtu na kiwanja chake. Hata hivyo, mpango huu bado haujakubaliwa na vilabu vyote, na unaonekana kupingwa na karibia timu saba.

Kikao cha leo kinaonekana kupigwa hatua katika mazungumzo na mpango wa kuendeleza ligi. Katibu wa Utamaduni wa Uingereza anatarajiwa kuonana na viongozi wa soka Alhamisi. Hii ni sehemu ya ajenda muhimu.

Mpaka sasa EPL inaendelea kupata changamoto kadhaa. Mchezaji wa tatu wa Brighton amethibitika kuwa na maambukizi ya Corona, baada ya wawili kuripotiwa kuwa na maambukizi hayo awali.

Mpaka sasa mechi zilizo salia ni 92, na ili mechi zote ziendelee kwa mfumo unaopendekezwa wa kufuata taratibu zote za kitaalamu za kiafya itawagharimu karibu vipimo 40,000, kiasi cha kama paundi 30,000 kwa wiki.

Klabu ya Ulaya kwa ujumla zina hadi tarehe 25 kuwasilisha kwa Uefa kama wanahitaji kumalizia msimu au kusitisha kama walivyofanya League 1. Mkurugenzi mkuu wa EPL Richard Masters alitabiri hasara ya tabribani paundi bilioni 1 ikiwa msimu wa Ligi 2019-20 hautamalizika.