Ole Gunnar Apata Mbadala wa Lukaku

Bosi wa Manchester United Ole Gunnar ameripotiwa kuwa tayari ameshapata mbadala wa Romelu Lukaku! Nyota huyu aluzwa mapema msimu wa joto uliopita.

Ripoti zinataja kuwa klabu ya Manchester United inafikiria kuinasa saini ya nyota wa Lyon Moussa Dembele kama mbadala wa nafasi iliyoachwa na Lukaku.

Dembele amefanya vizuri katika ligi ya nyumbani, Ufaransa, Ligue 1 kabla ya msimu kusimama kwa sababu ya changamoto iliyoibamba dunia ya virusi vya corona. Alifunga magoli 16 katika mechi zake 25 alizocheza.

Klabu ya Menchester United iliamua kumuuza Lukaku kwenda Inter Milan msimu wa joto uliopita baada ya kuonekana kama hajafikia vyema mahitaji ya Ole Gunnar.

Lukaku ameenda kuwa mchezaji wa matra kwa mara Inter Milan, tofauti na ilivyokuwa siku zake za mwisho pale United, inaripotiwa kuwa staa huyo alijaribu kushinikiza kuondoka klabuni hapo baada ya kuona hafurahii tena kusalia.

Hata hivyo, pengo la lukaku halikuwa na kesi sana kwa Man United ambao vijana wao Anthon Martial, Mason Greenwood, na Rashford wakifanya vyema tangia kuondoka kwake. Lakini hii haijaondoa ukweli kuwa bado wanahitaji mshambuliaji mpya.

Kwa mujibu wa Daily Star, nyota wa Lyon, Moussa Dembele ndiye anayetazamiwa kuwa mrithi wa pengo la Lukaku katika safu ya ushambuliaji ya Ole Gunnar.

Japokuwa ripoti zinawataja United kuwa hawatafanya usajili kwa sababu ya changamoto ya kifedha, duru zingine zimewataja kuwa wapo tayari kumnasa mfaransa huyu ambaye amefunga magoli mengi zaidi ya Neymar.