Deco: Sipati Picha Barca Bila Messi Lakini Inaweza Kutokea.

Lionel Messi lazima ufanyike mkakati wa kumshawishi kuendelea kuwepo Camp Nou ndiyo klabu sahihi kwake hii ni kwa mujibu wa mchezaji mwenzake wa zamani wa Barcelona Deco.

Hatma ya Messi imegubikwa na sintofahamu tangu wiki mbili zilizo pita baada ya kula kipigo cha mwaka cha 8-2 dhidi ya mabingwa wapya wa Champions League klabu ya Bayern Munich katika hatua ya robo fainali.

Taarifa zinazoendelea Catalonia zinadai kwamba mshindi huyo wa tuzo ya Ballon d’Or bado yupo kwenye vuguvugu la matarajio ya kuendelea kuwepo klabuni hapo kufuatia mkutano na ujio wa kocha mpya Ronald Koeman.

Koeman ametua Barcelona baada ya Quique Setien kufungishwa virago baada ya kuwa na matokeo duni klabuni hapo.

Akiongea na Mundo Deportivo, mchezaji wa zamani wa timu ya Barca Deco ametoa hoja kwa Barca kufanya kila namna kumbakisha nyota huyo wa Argentina ilikukabiliana na ukweli usioelezeka.

“Sijui nini kitatokea kama Messi ataondoka, lakini anamkataba,” alisema Deco.

“Ni mchezaji mwenye kiu ya kushinda na itategemea Barca watafanya nini kama wakitaka kumpa ofa, sijawahi kuongea naye lakini na hakika huwa anafikiria hivyo.

“Nadhani anapaswa kufikiri kuhusu hatima ya hatua ya soka lake. Ni ngumu kufanya maamuzi kwa sababu tunazungumzia kuhusu klabu ya maisha yake kwenye mpira, sio kwamba amekuwa Barca kwa miaka mitatu au minne.

“Tunaongelea kuhusu mchezaji bora wa muda wote katika klabu, lakini ipo wazi kwamba muda wote Messi huwa anafikiria kushinda sasa nashindwa kupata picha Barcelona bila Messi ingawa inaweza kutokea.

Beti Mbio za Mbwa Mubashara

Hii ni rahisi zaidi! Hapa USHINDI unaupata kwa kuchagua mbwa anayeshinda mbio na machaguo mengine yenye odds tamu.

Cheza Hapa