Ibrahimovic: Tumeyajenga na Milan "Sasa Shwari".

Zlatan Ibrahimovic amesema kwamba “kila kitu kimewekwa sawa” yeye kuendelea kusalia Milan kwa msimu mpya.

Baada ya kuwa katika sekeseke la kutaka kutimka katika klabu ya Milan kwa sasa Zlatan amefikia muhafaka na klabu hiyo ya Serie A, na Milan walitweet Video yenye ujumbe uliyosema Ibrahimovic “Amerudi.”

“Hatimaye, tumemaliza kila kitu na ninarudi mahala ninapo jihisi nyumbani,’ alisema mkongwe huyo mwenye miaka 38.

“Sasa, ni wakati wa kuongeza bidii na kusonga mbele…Tuna hitaji kufanya kazi.

“Kama nilivyo wahi kusema sipo hapa kwajili ya kuuza sura, nipo hapa ili kuhakikisha tunapata matokeo mazuri na kuisadia timu, mwalimu na mahala ambapo AC Milan tumezoea kuiona ipo.

“Tumefanya vizuri sana kwa kipindi cha miezi sita iliyopita ingawa hatukufanikiwa kushinda taji lolote. Msimu huu tutakuwa pamoja kuanzia mwanzo, tunahitaji kuendelea na moto tuliyomaliza nao kucheza kwa bidii na kujitoa muhanga kufikia malengo.

“Salam! kwa mashabiki ni matumaini yangu hivi karibuni mtarudi uwanjani kuja kutusaidia sababu timu inawahitaji wote. Acha tuje uwanjani San Siro turukeruke pamoja!”

Ibrahimovic alikuwa anatarajia kubaki San Siro na tayari uwepo wake katika timu hiyo umekuwa ni muhimu tangu ajiunge mwezi Januari na kufanikiwa kufunga jumla ya magoli 11 katika michezo 20 pekee katika msimu 2019-20.

Maamuzi ya Ibrahimovic kuendelea na Milan ulichagizwa na kocha mkuu Stefano Pioli aliye ongeza mkataba mwezi Julai kufuatia kumaliza vizuri msimu.

Beti Mbio za Mbwa Mubashara

Hii ni rahisi zaidi! Hapa USHINDI unaupata kwa kuchagua mbwa anayeshinda mbio na machaguo mengine yenye odds tamu.

Cheza Hapa