Messi Arejea Mazoezini baada ya Kufanya tangazo la Jezi.

Lionel Messi ameonekana akitua katika viwanja vya mazoezi vya Barcelona baada ya kutoka kufanya tangazo la Jezi ya tatu katika mitandao ya kijamii ikiwa ni kujiandaa na msimu mpya.

Nyota huyo wa Argentina alithibitisha siku ya Ijumaa kuendelea kusalia Camp Nou baada ya kuwatingisha Barca kuwa anataka kusepa na kutafuta changamoto mpya.

Messi alikuwa akiamini kwamba vifungu katika mkataba wake vinamruhusu kuondoka kama mchezaji huru lakini kwa pamoja Barca na LaLiga walikataa madai hayo na kusema yoyote atakaye taka kumsajili Messi lazima alipe kiasi cha €700m ilikukamilisha uhamisho wa nyota huyo.

Mshindi mara sita wa tuzo ya Ballon d’Or alimtuhumu rais wa klabu ya Barcelona Josep Maria Bartomeu kuwa aliwahi kusema Messi atakuwa huru kuondoka Barcelona mwishoni mwa msimu 2019-20 kama akitaka.

Lakini kwa sasa Messi atakuwa ni sehemu ya kikosi cha mwalimu Koeman na ameonekana akitokea kwa mara ya kwanza mazoezini baada ya kutoonekana wakati wa kufanya vipimo vya Corona wiki iliyopita.

Kipande cha video kilimuonesha Messi akitua Ciutat Esportiva Joan Gamper kwaajili ya mazoezi.

Siku hiyo hiyo ya Jumatatu mapema Barca walitweet picha ya Messi akiwa amevalia jezi ya rangi ya Pink ikiwa ni utambulisho wa jezi ya tatu ya Barcelona kwa msimu 2020-21.

SHINDA NA HI LO

Sasa hii ni rahisi zaidi kupata USHINDI! Unatabiri karata ipi ipo chini au juu, kisha unakusanya mkwanja wako.

Cheza sasa