Klabu ya Tottenham Hotspur imethibitisha kuondoka kwa kocha wake, Igor Tudor, baada ya kudumu kwa siku 38 pekee tangu ateuliwe kuziba nafasi ya Thomas Frank.
Kuondoka kwa Tudor kunakuja wakati Spurs wakiwa kwenye hali mbaya zaidi katika historia yao ya hivi karibuni, kufuatia kipigo cha mabao 3-0 nyumbani dhidi ya Nottingham Forest, ambacho kiliongeza presha kubwa kwa benchi la ufundi. “Matokeo haya hayakubaliki kwa kiwango cha klabu kama Tottenham,” alinukuliwa mdau mmoja wa karibu na timu hiyo.
Bila kusahau meridianbet ndio wakali wa ODDS KUBWA, Machaguo zaidi ya 1000 na kila kitu ukitakacho. Bashiri kijanja hapa
Katika kipindi chake kifupi, Tudor alishuhudia matokeo mabaya mfululizo, akipata vipigo vinne na sare moja pekee, hali iliyochangia kushuka kwa morali ya timu. “Tulijaribu kubadilisha mambo, lakini matokeo hayakuendana na matarajio,” ilieleza taarifa ya ndani ya klabu.
Sababu nyingine zilizochangia kuondoka kwake ni pamoja na kipigo cha jumla cha mabao 7-5 dhidi ya Atletico Madrid kwenye Ligi ya Mabingwa Ulaya, pamoja na migogoro ya ndani ya kikosi, ikiwemo tukio la kumtoa kipa kijana Antonin Kinsky baada ya dakika 17 pekee katika mchezo mmoja nchini Hispania.
Hali ya Spurs kwenye ligi imezidi kuwa tete, wakiwa nafasi ya 17 na pointi 30, pointi moja tu juu ya West Ham United walio katika mstari wa kushuka daraja. “Huu ni wakati mgumu sana kwa klabu, na hatuwezi kupuuza hatari ya kushuka daraja,” amesema mchambuzi mmoja wa soka la England.
Iwapo hali haitabadilika katika mechi saba zilizobaki, Spurs wanaweza kushuka daraja kwa mara ya kwanza tangu mwaka 1977. Safari yao ya kujiokoa inaanza Aprili 12 dhidi ya Sunderland, mechi ambayo inatazamwa kuwa ya kufa na kupona kwa mustakabali wa klabu hiyo.
