Dortmund Sokoni Kumsaka Mrithi wa Sancho

Borussia Dortmund huenda wakampoteza staa wao Jadon Sancho sokoni ambaye amehusishwa na klabu kadhaa. Man United wamekuwa wakihusishwa naye zaidi.

Mkurugenzi wa michezo wa klabu ya Dortmund  Michael Zorc amesema kuwa klabu inaendelea kuangalia washambuliaji ambao wanaweza kuwa mbadala wa nafasi ya Sancho ikiwa staa huyu ataondoka klabuni hapo.

Dortmund watatarajia kukusanya kitita cha  €120m kama watalazimika kumuuza staa huyu. Staa huyu alifika klabuni hapo mwaka 2017 akitokea Manchester City.

Baada ya kuulizwa kuhusu uwezekano wa Jadon Sancho kuondoka klabuni hapo, Zorc alisema wana kuna mpango juu ya hilo. Mpango uliopo ni kuhakikisha klabu inapata mbadala na hadi sasa tayari inawafuatilia kwa ukaribu washambuliaji wawili kwa sababu hiyo.

“Kama Jadon akiondoka, tutafanya kitu tena kwenye eneo la ushambuliaji. Kuna kama mchezaji mmoja au wawili tunawalenga.”

Sancho ametoa mchango mkubwa sana kwa timu yake akiwa amefunga magoli 17 na kutoa usaidizi wa magoli 16 huku Dortmund wakifanikiwa kumaliza nafasi ya pili kwenye Bundesliga.

Mshambuliaji huyu mwenye miaka 20 kwa jumla amefunga magoli 20 msimu huu kwa michuano yote. Dortmund wanatajwa kuwa wanampango wa kumsajili Jude Bellingham kutoka  Birmingham City.

Zorc amesisitiza kuwa klabu inatarajia kutumia gharama ndogo kadri iwezekanavyo. Na kama itawalazimu kumuuza Sancho pia malengo yao kwa si kutumia zaidi ya Euro milioni 5-10 kwa mchezaji.

Furahia radha halisi ya Kasino ya Mtandaoni

Bonyeza Hapa Kucheza