Gonzalo Higuain Anaondoka Italia 2020 -Wakala Wake

Wakala wa Gonzalo Higuain, Nicolas ambaye pia ni kaka yake wa nyota huyu amethibitisha fowadi huyo wa Argentina ataondoka Juventus na hatasalia nchini Italia.

Fowadi huyo wa zamani wa Napoli, ambaye amechukua Scudetti mara tatu na Coppa Italia mara tatu kwa mda aliokuwepo huko Italia, atahama msimu huu wa joto.

Kocha wa Juventus Andrea Pirlo alimwambia mchezaji huyo mwenye umri wa miaka 32 hakuwa na mustakabali wowote huko Turin na wakala wake Nicolas amebainisha kuwa ana ofa kadhaa.

“Tulithamini uaminifu wa Pirlo, alimwambia Gonzalo mawazo yake. Hitokei mara kwa mara, na ilikuwa muhimu.” -Nicola Higuain aliiambia Tuttosport.

“Bado tunazungumzia mshambuliaji aliyefunga mabao 350 katika miaka ya hivi karibuni.Kuifikia hesabu hiyo, inachukua miaka 10. Halafu kwa bahati mbaya, tunasahau haraka.

“Tuko kwenye soka na tunajua kwamba mambo haya yanaweza kutokea.”

Ndugu huyu na wakala wake Gonzalo Higuain anadai mshambuliaji huyo wa zamani wa River Plate hatahamia Boca Juniors na alithibitisha kuwa hataendelea kuwepo Serie A.

“[Kuna ofa] kutoka Ufaransa, Uingereza, Uhispania, Uchina na USA. Ofa nyingi, lakini hakuna inayofanya mguu wako utetemeke.

Kwa mujibu wa Nicolas, ni kuwa wanajaribu kufanya upembuzi na tathimini kuona ni namna gani wanaweza kukamilisha mpango wake wa uhamisho. Lakini kwa sasa kinachoweza kuwekwa bayana ni kuwa hana mpango wa kusalia Serie A.

SHINDA NA HI LO

Sasa hii ni rahisi zaidi kupata USHINDI! Unatabiri karata ipi ipo chini au juu, kisha unakusanya mkwanja wako.

Cheza sasa