Havertz Yupotayari Kujifunza kwa Lampard

Kai Havertz amefurahishwa na usajili wake wa kujiunga na Chelsea chini ya Lampard. Kwa mujibu wa Kai, hii ni ndoto yake imetimia.

Japokuwa anakubaliana na uhalisia kwamba anahitaji muda wa kujiweka sawa na kuizoea Ligi ya Uingereza, Kai anasema anampenda Lampard tangu akiwa mtoto na ni furaha kwake kufanya nae kazi akiwa Chelsea.

“Ndio, nimekuwa nikimtizama [Lampard] tangu nikiwa mtoto. Ni kitu kikubwa kuwa na kocha ambaye amecheza EPL kwa miaka mingi.

“Nilikuwa ninampenda kama mchezaji. Ni moja ya wachezaji bora wa Uingereza kipindi chake. Yeye na Chelsea ni vitu vikubwa. EPL inawachezaji wakubwa duniani.

“Ninafuraha ni kocha wangu sasa. Ni hatua kubwa kuja kwenye EPL, nimekuwa nikiiangalia nilipokuwa mtoto. Ninafuraha kucheza kwenye moja ya timu kubwa Uingereza na duniani.

“Nilikuwa ninandoto ya kuichezea EPL nilipokuwa mtoto, sasa ndoto imekuwa kweli japo naona kama ni mapema sana, nina miaka 21 tu. Siamini kama ni mimi nitakayekuwa ninaichezea klabu kama Chelsea.”

Havertz alijiunga na Chelsea kwa dau la pauni milioni 72 akitokea Bayer Leverkusen inayocheza Bundesliga – Ujerumani.

SHINDA NA MERIDIANBET!

Tengeneza pesa kidijitali kwa kubashiri mbio za farasi hapa Meridianbet! Chagua nani ashinde, unakusanya mkwanja.

Cheza Sasa.