Lionel Messi Ameamua Kusalia Barcelona!

Lionel Messi amesema kuwa atasalia klabuni Barcelona!

Kwa mujibu wa Skysport, Lionel Messi ameamua kusalia Barcelona. Messi anatambulika kama nyota mwenye mafanikio makubwa sana katika soka kutokana na uwezo wake na mchango wake mkubwa, hasa katika mafanikio ya Barcelona.

Lionel Messi amekuwa sehemu ya historia muhimu ya klabu ya Barcelona. Mara kadhaa kulikuwa na taarifa za mambo kutokuwa sawa kati yake na klabu yake. Kitu kilichomfanya ahusishwe na kuondoka klabuni hapo.

Baada ya Barcelona kupokea kichapo cha bao 8-2 cha Ligi ya Mabingwa Ulaya, Lionel Messi aliriripotiwa kupeleka ombi la kutaka kuondoka klabuni hapo.

Sakata la Messi kuondoka klabuni hapo lilikuwa kubwa zaidi kutokana na dau ambalo klabu ilitaka la Euro milioni 700 ikiwa Messi anataka kuondoka. Vilabu kadhaa, wakiwepo Manchester City tayari walikuwa katika mchakato wa kuiwania saini yake.

Ilikuwa danganya toto Lionel Messi kutaka kuondoka?

Kila mtu ana maoni yake katika hili. Baadhi ya wataalamu wanadai kuwa ilikuwa ni namna ya Barcelona kujipa mda zaidi wa kujaribu kumbembeleza Messi kusalia klabuni hapo baada ya kumtibua kwa mambo kadhaa.

Messi mwenyewe anasema kuwa alikuwa na namna tofauti kama angeamua kushinikiza kuondoka, nayo ingekuwa kuwapeleka Barcelona mahakamani. Lakini siyo kitu alichokuwa akifikiria kwa sababu ya mapenzi yake na Barcelona.

Kwa mujibu wa chapisho la Skysport, Nyota huyu amenukuliwa akisema yeye anasalia Barcelona.

“Ni klabu yangu ya maisha, maisha yangu yapo hapa. Nimejijengea maisha yangu hapa.  Barca wamenipa kila kitu na nimewapa kila kitu. Najua kuwa akili yangu haikunituma kabisa kuwapeleka Barca mahakamani.”

SHINDA NA HI LO

Sasa hii ni rahisi zaidi kupata USHINDI! Unatabiri karata ipi ipo chini au juu, kisha unakusanya mkwanja wako.

Cheza sasa