Luis Suarez Kutimba Juventus

Nyota wa Barcelona Luis Suarez mbioni kutimkia kwa mabingwa wa Italia – Juventus.

Suareza anatarajia kutemana na Barcelona na kuondoka kama mchezaji huru ikiwa atafanikiwa kufanya makubaliano na Barcelona ili kusiwepo na ada yeyote ya uhamisho.

Nyota huyu bado ana mkataba wa mwaka mmoja na klabu ya Barcelona. Alisaini mkataba na Barcelona mwaka 2016, ambao ulikuwa na makubaliano kuwa staa huyu angeongezewa mda wa kusalia klabuni hapo ikiwa angecheza 60% ya mechi klabuni hapo.

Hata hivyo, taarifa zinasema nyota huyu yupo tayari kuondoka, na ataridhika ikiwa atalipwa mshahara wake wa nusu msimu, katika makubaliano ya kusitisha mkataba wake.

Suarez na rafiki yake Messi, wapo katika hatua za mazungumzo kuweka sawa suala alao la uhamisho. Lakini, maamuzi ya Messi kuondoka au kusalia Barcelona yanatajwa kutokuwa na athari yeyote kwa hatma ya staa huyu.

Suarez alijiunga na Barcelona akitokea Liverpool. Ilikuwa ni mwaka 2014 alipoingia klabuni hapo, amefunga jumla ya magoli 198 katika mechi 283 alizocheza Barca.

Kwa mujibu wa vyanzo vya habari vya Italia Luis Suarez anahitaji kufaulu vigezo vya uraia wa Italia ili kuweza kukamilisha mpango huo wa kuichezea Serie A.

SHINDA NA HI LO

Sasa hii ni rahisi zaidi kupata USHINDI! Unatabiri karata ipi ipo chini au juu, kisha unakusanya mkwanja wako.

Cheza sasa