Manchester United Yamuweka Lingard Sokoni

Baada ya kumalizana na Alexis Sanchez, sasa Manchester United wamehamia kwa Jesse Lingard. Ripoti zinasema, Man United wapotayari kusikiliza ofa ya timu yeyote inayomuhitaji mchezaji huyo [Lingard].

Lingard ambaye amekuwa na wakati mgumu katika kikosi cha Man United kwa muda sasa, muda wake kusalia katika kikosi cha Ole Gunnar Solskjaer unahesabika. Kuchipukia kwa mshambuliaji machachari Mason Greenwood na mchakato wa kuisaka saini ya Jadon Sancho unaoendelea, ni dhahiri Lingard hana namba tena kunako Old Trafford.

Katika mechi 2 za mwisho alizocheza, Lingard amefunga magoli 2 pekee. Goli la kwanza akilifunga katika mchezo wa mwisho wa Ligi Kuu Uingereza – EPL dhidi ya Leicester City likiwa ndio goli lake la kwanza la Ligi Kuu tangu mwaka 2018. Goli lake la pili ni dhidi ya LASK katika Michuano ya Europa.

Solskjaer bado anasadikika kuwa shabiki wa Lingard kwani aliwahi kumfundisha wakati akiwa timu ya vijana na hata alipokabidhiwa mikoba ya Mourinho kama kocha mkuu wa kikosi cha Manchester United.

Kushuka kwa kiwango na kuwa na mlolongo wa majeruhi kunatajwa kama vichocheo vya Lingard kukosa namba katika kikosi cha Manchester United. Akiwa na umri wa miaka 27 sasa, ni dhahiri Lingard anahitaji kuonesha uwezo wake na kama ataondoka Man United, basi itakuwa ni fursa kwake kufanikisha hilo.

Lingard na Sanchez ni kati ya wachezaji ambao walionekana kama wameshaoneshwa milango ya kutokea kwa kukosa namba katika kikosi cha kwanza na kukumbwa na majeruhi ya mara kwa mara na hivyo kuwa na muda mfupi sana wa kuitumikia timu.

Sanchez amekatisha mkataba wake wa miaka 2  na Manchester United na kujiunga na Inter Millan ambayo alisajiliwa kwa mkopo. Sasa atasalia huko [Inter Millan] kwa mkataba wa miaka mitatu huku United wakimlipa pauni milioni 7.5, na kuokoa pauni milioni 40 ambazo angelipwa kama mshahara wake kwa muda wote uliosalia katika mkataba wake.

Tiketi yako ya kwanza kamwe haiwezi kupoteza ukiwa na Meridianbet. Unarudishiwa 100% ya Tiketi yako ya kwanza.

Ingia Mchezoni