Matokeo ya Mechi Bundesliga

Bayer Leverkusen v Schlake 04

Bayer Leverkusen wamelazimishwa sare ya 1-1 na wachovu Schalke 04. Matokeo hayo yanawafanya Leverkusen wafikishe alama 57 huku wakiwa nafasi ya nne katika msimamo wa Bundesliga huku wakibakiwa na michezo minne ya ligi hiyo.

Kwa upande wa Schlake 04 wao matokeo hayo yanawafanya waweke rekodi mbaya kwa timu yao kwa kutokushinda katika michezo 13 mfululizo ya Bundesliga kila mara wakiwa na sababu tofauti tofauti lakini kwa mechi hii lawama nyingi zitamuendea mlinzi wao Juan Miranda aliyejifunga dakika za jioni kabisa za mechi hiyo.

Schlake 04 walikuwa wanaelekea kushinda mechi hii kutokana na goli walilolipata mapema mwanzoni mwa kipindi cha pili. Hali ilibadilika katika dakika ya 81 baada ya Miranda kujifunga na kufanya mchezo huo uishe kwa sare ya 1-1.

Mainz v Augsburg

Pamoja na ushindi wa ugenini wa goli moja bila, Augsburg bado wapo katika hatari ya kushuka daraja. Hatari hiyo ni kubwa zaidi kwa Mainz waliokubali kipigo hicho cha goli 1-0 katika uwanja wao wa nyumbani. Matokeo hayo yanawapeleka Augsburg nafasi ya 13 ya msimamo wakiwa na alama 35 huku yakiwaacha Mainz katika nafasi ya 15 na alama zao 31.

Goli pekee la Augsburg katika mchezo huo lilifungwa na Florian Niederechne katika dakika ya kwanza tu!

Mpaka sasa, Bayern Munich wanaongoza msimamo wa ligi hiyo wakiwa na alama 73. Borussia Dortmund wanafuatia na alama zao 66. Kama Bayern wakishinda mechi yao ya Jumanne ya June 16 dhidi ya Werdee Bremen watafikisha jumla ya alama 76 hivyo ktawazwa mabingwa wa Bundesliga kwa mara ya tisa mfululizo!