Wachezaji Mastaa Waliopitia Msoto.

Luis Suarez. 

Staa wa soka wa timu ya taifa ya Uruguay ambaye kwa sasa anaichezea FC Barcelona ya Hispania, Ni moja ya wachezaji waliopitia msoto, akiwa na umri wa miaka 12 Suarez alikuwa akicheza mpira pekupeku kutokana na familia yake kushindwa kumudu kumnunulia viatu.

Suarez amezaliwa katika familia ya watoto saba yeye akiwa wanne na akiwa na umri wa miaka 9 baba na mama yake walitengana, Suarez wakiwa Montevideo aliendeleza kipaji chake kwa kucheza mtaani lakini pia alikuwa akifanya kazi za kufagia mtaani.

Luka Modric. 

Moja kati ya viungo bora wa timu ya taifa ya Croatia na Klabu ya Real Madrid ya Hispania, lakini akiwa na miaka 6 mwaka 1991 vita vya Croatia ambavyo vilimpelekea baba yake kujiungana na jeshi, vilimfanya yeye na familia yake kwenda kuishi Kolovare katika kambi ya wakimbizi kwa miaka saba.

Carlos Tevez.

Amewahi kuvichezea vilabu mbalimbali Ulaya kama West Ham,Man city na Man United na sasa yupo kwao Argentina anaichezea Bocca Junior.

Tevez amekulia Fuerte Apache nchini Argentina moja kati ya sehemu hatari zaidi duniani na wanaishi watu masikini na kuna matukio mengi ya kiharifu na uuzwaji wa dawa za kulevya.

Kuharibika kwa meno yake kunatokana na matukio ya ugomvi aliyokuwa anapitia katika mtaa aliokulia.

Cristian Ronaldo.

Moja kati ya wanamichezo matajiri katika hii dunia kwa sasa. Mara yake ya kwanza kupanda ndege ilikuwa ni wakati anakwenda kusaini Man United.

Kabla ya hapo Ronaldo amekulia katika familia ya kimasikini Ureno na ilifika wakati akawa analala chumba kimoja na dada zake kutokana na ugumu wa maisha licha ya kuwa umri ulikuwa unataka awe na chumba chake.

Dani Alves.

Amecheza FC Barcelona, Juventus, PSG na sasa Sao Paulo ya Brazil, Alves wakati akiwa mdogo alikuwa akilazimika kuamka saa 10 alfajiri ili kwenda na baba yake kumsaidia katika shughuli zake za kila siku.

Alikuwa akilala katika kitanda kibaya, pamoja na ugumu wa maisha hayo aliyoyapitia Alves amewahi kukiri kuwa alikuwa ameridhika nayo.

Zlatan Ibrahimovic.

Ambaye ameichezea Man United,LA Galaxy ya Marekani na sasa Ac Milani ya Italy alizaliwa wilaya ya Rosengard katika mji wa Malmo nchini Sweden.

Zlatan amekuwa akiwa na sifa mbaya na ametokea katika familia ya kimasikini, baiskeli aliyokuwa anaitumia kwenda nayo mazoezini ilikuwa ya wizi.

Neymar JR.

Ambaye kwa sasa anatazamiwa kuja kushinda tuzo ya mchezaji bora wa dunia kwa miaka ya baadae, amelelewa  katika nyumba ya babu yake ambapo alikuwa analelewa katika chumba duni sana na alikuwa akishea chumba hicho yeye, wazazi wake na dada yake.

Alex Sanchez.

Kwa kiasi kikubwa maisha yake ya utotoni amelelewa bila uwepo wa baba yake na alikuwa akifanya kazi za kuosha magari ili aweze kuisaidia familia yake nchini Chile.

Sanchez anamini kama sio mpira basi asingekuwa chochote katika hii dunia.

Frank Riberry.

Amekulia ghetto Kaskazini mwa nchi ya Ufaransa na aliepuka kuishi maisha ya bila kuwa na kazi kwa kuanza kufuata ndoto zake za kucheza mpira kitu ambacho kimemkomboa katika maisha yake na kufanya dunia nzima kumjua kwa uwezo wake.

                                      Cheza Kasino za Mitandaoni   

                                                       Bofya hapa