Kwa Hali Hii siwezi Kukaa Milan - Ibrahimovic...

Zlatan Ibrahimovic amekuwa na shaka ya kuendelea kukaa Milan kama hali haitabadilika.

Zlatan mwenye umri wa miaka 38 anaye kipiga katika klabu ya AC Milan ambaye kipindi cha nyuma alisha wahi kushinda kikombe cha Scudetto mwaka 2011 akiwa na timu hiyo, mwezi Januari akiwa kama mchezaji huru aliondoka kunako klabu ya LA Galaxy inayoshiriki ligi ya MLS lakini amekuwa na shaka kuhusu malengo yake ndani ya msimu 2019-20.

Mshambuliaji huyo amefunga magoli 6 tangu arejee Milan ambako amejipanga upya na kuisaidia Rossoneri ambao ni mabingwa wa Champions League mara saba na kusogea mpaka nafasi ya kushiriki Europa League.

Milan wapo katika nafasi ya saba katika msimamo wa Serie A alama mbili nyuma ya mabingwa wa Coppa Italia na Roma baada ya michezo 31 na kufanikiwa kuwafunga 4-2  vinara wa ligi hiyo Juventus  siku ya Jumanne

Licha ya kuonekana kuimarika siku za hivi karibuni Milan wapo mbioni kumfukuza kocha wao Stephano Pioli na nafasi yake kuchukuliwa na Ralf Rangnick ambaye atashirikiana majukumu na kiongozi wa michezo klabuni hapo.

Huku kukiwa na kutokuwa na uhakika Ivan Gazidi ameripotiwa kuwa na mipango ya kumleta kwenye timu hiyo Rangnick mchezaji wa zamani wa Manchester United, Paris Saint Germain na Barcelona na Zlatan ametoa onyo mkuhusiana na taarifa hizo.

“Ibra anacheza kushinda au akae nyumbani,” Ibrahimovic aliiambia  Gazzetta dello Sports kwenye mahojiano na jarida la michezo inayotarajiwa kutoka  siku ya Jumamosi.

“Waliniambia kustaafu Amerika ilikuwa ni kirahisi sana, kwa hiyo nilikuja Milan kwa mapenzi tu, kimsingi hapa nacheza mpira bure silipwi chochote…. Na hili janga la COVID  lilisimamisha kila kitu na lilifanya nijiulize labda nahitaji kustaafu.”

“Ibra sio mchezaji wa kucheza Europa League na Milan sio timu ya kufikiria kucheza Europa League.”

Kume kuwa na ugomvi kati ya Ibrahimovic na uongozi wa AC Milan Zlatan anaonekana kutoukubali ujio wa Rangnick klabuni hapo.

Pioli alichukua nafasi ya Marco Giampaolo mwezi Oktoba  na inasemekana bosi wa zamani wa RB Leipzig Rangnick amekubali kuinoa AC Milan msimu wa 2020-21 na Zlatan hajakubaliana mpango huo.

“Rangnick ndio nani? Simjui hata kidogo,” aliongeza Ibrahimovic.