Fiorentina Yamsajili Bonaventura wa Milan.

Kiungo wa zamani wa AC Milan Giacomo Bonaventura amejiunga na klabu ya Fiorentina.

Mchezaji huyo wa kimataifa wa Italia mwenye umri wa miaka 31 ameinasa dili hiyo itakayo dumu kwa kipindi cha miaka miwili.

Bonaventura alicheza michezo 180 katika timu ya Rossoneri na kufunga mabao 35 baada ya kujiunga Ac Milan akitokea Atalanta mwaka 2014.

Mchezaji huyo wa Italia, ambaye alicheza michezo 14 katika timu ya taifa ya Italy ameachana na AC Milan mwisho wa msimu 2019-20 baada ya kandarasi yake kufika tamati.

Fiorentina pia imethibitisha kumsajili Riccardo Sottil ambaye atatumia msimu 2020-21 kwa mkopo akitokea klabu ya Cagliari, ambapo katika dili hiyo kuna kipengele kinacho ruhusu kufanya uhamisho wa kudumu.

Msimu mpya wa Serie A unatarajiwa kuanza kurindima Septemba 19 na timu ya Fiorentina itawakaribisha Torino katika viunga vya Artemio Franchi, Firenze. Mchezo utapigwa majira ya saa moja kamili (19:00)usiku saa za Afrika Mashariki.

SHINDA NA MERIDIANBET!

Tengeneza pesa kidijitali kwa kubashiri mbio za farasi hapa Meridianbet! Chagua nani ashinde, unakusanya mkwanja.

Cheza Sasa.