Neymar Afungiwa Mechi 2 Baada ya Kadi Nyekundu.

Neymar amepata adhabu ya kufungiwa michezo miwili kufuatia kuoneshwa kadi nyekundu katika mchezo wa Paris Saint- Germain dhidi ya Marseille na PSG kupokea kichapo cha 1-0 katika Ligue 1.

Hii ilikuwa ni mara ya pili mfululizo kwa Paris Saint-Germain kupoteza katika Ligue 1, ikiwa ndiyo kwanza ligi imeanza, mchezo uligubikwa fujo iliyopelekea wachezaji watano kuoneshwa kadi nyekundu.

Neymar mchezaji mwenye thamani kubwa, alikuwa mtu wa mwisho kuoneshwa kadi nyekundu baada ya kumsukuma kisogoni Alvaro Gonzalez.

Mbrazil huyo alilamika kufanyiwa kitendo cha kibaguzi na Alvaro ambaye alikataa kufanya tukio lolote liliashiria ubaguzi wa rangi.

Siku ya Jumatano kamati ya nidhamu ilisema Neymar amekuwa ni mchezaji wa tatu kupata adhabu ya kukosa mechi mbili.

Layvin Kurzawa yeye amefungiwa michezo sita na Leandro Paredes ambaye ni usajili mpya wa Paris Saint-Germain atakuwa nje kwa wiki mbili.

Watatu hao walishuhudia timu yao ya PSG ikipata ushindi wa kwanza tangu kuanza kwa msimu mpya wa Ligue 1 dhidi ya Metz katika mchezo huo Abdou Diallo alioneshwa kadi nyekundu.

Angel Di Maria alikuwa mkombozi wa PSG katika mchezo huo kwa kuipatia timu yake goli katika dakika za majeruhi lakini alikumbana na kamati ya maadili akihusishwa katika fujo zilizotokea kwenye mchezo dhidi ya Marseille.

Mchezaji Marseille Jordan Amavi amepata adhabu ya kuikosa michezo mitatu na Dario Benedetto ataukosa mchezo mmoja.

SHINDA NA MERIDIANBET!
Tengeneza pesa kidijitali kwa kubashiri mbio za farasi hapa Meridianbet! Chagua nani ashinde, unakusanya mkwanja.
Cheza Sasa.