Di Maria Afungiwa Mechi 4 kwa Kumtemea Mate Alvaro.

Paris Saint-Germain itakuwa bila nyota Angel Di Maria katika michezo minne baada ya mchezaji huyo kuadhibiwa kwa kumtemea mate beki wa Marseille, Alvaro.

Di Maria amepata hukumu hiyo baada ya uchunguzi kufanyika baada ya fujo kutokea katika mchezo wa Le Classique ambao PSG ilifungwa 1-0 na timu ya Marseille Septemba 13.

Neymar,alimshutumu Alvaro kwa kumfanyia kitendo cha kibaguzi wa rangi, kitu ambacho mchezaji huyo wa Marseille alikataa kukifanya, Leandro Paredes na Lyvin Kurzawa walitolewa nje kwa kadi nyekundu,wakati Dario Benedetto na Jordan Amavi nao pia walioneshwa kadi nyekundu katika dimba la Parc des Princes.

Wakati Neymar akiendelea kutumikia adhabu yake ya kukosa mechi mbili, Di Maria atakosa michezo minne ya Ligue .

Lakini, Thomas Tuchel atakuwa na uwezo wa kumuita Muargentina huyo kwa mchezo na Reims siku ya Jumapili, kwani adhabu yake itaanza kutekelezwa mwezi Septemba 29.

Di Maria hatokuwepo kwa michezo ya PSG dhidi ya Angers,Nimes, Dijon na Nantes.

Baada ya kupoteza michezo miwili mfululizo ya ufunguzi,PSG wameshinda michezo miwili ya mwisho tangu ligi ianze, tumeshuhudia wakiicharaza Metz na Nice na Kylian Mbappe akifunga goli lake la kwanza kwa msimu huu wa Ligue 1 baada ya kutoka Karantini kufuatia kuwa na virusi vya Corona.

FURAHIA KASINO YA MTANDAONI

Tembelea ardhi ya maajabu ushangazwe na mengi ikiwa ni pamoja na urahisi wa kujipatia utajiri kupitia Kasino ya Meridianbet.

Cheza Sasa