Luis Suarez - Messi Ananijua Vizuri Sana.

Luis Suarez amesema kwamba anajivunia baada ya Lionel Messi kumtetea kufuatia kuondoka kwake Barcelona kwenda Atletico Madrid.

Suarez, 33 amejiunga na klabu ya Atletico kwa dau la Euro milioni sita (€6m) wiki hii baada ya kutokuwa sehemu ya mipango ya kocha mpya wa Barcelona Ronlad Koeman.

Swahiba wake wa karibu na nyota wa Barcelona Lionel Messi aliishambulia klabu hiyo ya Catalan siku ya Ijumaa kwa kusema “Suarez ni kama amefukuzwa”.

Suarez aliyeshinda mataji 13 akiwa na Barcelona, alisema anajivunia kuacha alama nzuri ndani ya Barca.

“Leo ana nijua vyema na ndiyo chanzo cha mimi kuacha alama chanya ndani ya Barca.

“Kwa sasa nimejiunga na Atletico ni hamasa kubwa.”

Suarez alifunga magoli 21 katika michezo 36 msimu uliyopita,lakini kocha mpya wa Barca Koeman hana mipango na Muuruguay huyo katika kuisuka Barca mpya.

Mshambuliaji huyo alisema kujiunga na klabu nyingine kubwa Spain ni jambo kubwa kwake.

Atletico Madrid wataanza mbio za kuwania LaLiga msimu 2020-21 wakiwa nyumbani Wanda Metropolitan kwa kuwaalika Granada siku ya Jumapili.

FURAHIA KASINO YA MTANDAONI

Tembelea ardhi ya maajabu ushangazwe na mengi ikiwa ni pamoja na urahisi wa kujipatia utajiri kupitia Kasino ya Meridianbet.

Cheza Sasa