Carlos Vinicius Kutua Spurs kwa Mkopo Akitokea Benfica.

Tottenham imefikia makubaliano ya kumsaini mshambuliaji Carlos Vinicius kwa mkopo akitokea klabu ya Benfica mpaka mwisho wa msimu, miamba hao wa Ureno walitangaza siku ya Alhamisi.

Dau la Euro milioni 3 (£2.7m) katika dili hiyo kwa Carlos Vinicius pia inajumuisha kipengele cha kumnunua kwa kitita cha £41m sawa na Euro milioni 45 ingawa kiasi cha mkopo kinachotakiwa kulipwa kinaweza kupunguzwa.

Tottenham walikata tamaa ya kumsaini msaidizi wa Harry Kane, baada ya hapo nyuma kuhusishwa na kumsaini mchezaji wa Napoli Arkadiusz Milik na nahodha wa Torino Andrea Belotti.

Timu ya Jose Mourinho kwa sasa imemgeukia mchezaji wa Kibrazil Carlos Vinicius, ambaye alijiunga na Benfica akitokea ligi ya Serie A katika klabu ya Napoli mwaka uliyopita.

Carlos Vinicius alifunga magoli 18 katika michezo 32 ya Primeira Liga msimu uliyopita, lakini pia alikuwa amefungaa jumla ya magoli 22 kataika mashindano yote.

Mchezaji huyo mwenye umri wa miaka 25 alimaliza msimu wa 2019-20 katika Primeira Liga, wakati Benfica ikimaliza nafasi ya pili nyuma ya mahasimu wao Porto na kuwa mfungaji bora akiwa na mchezaji mwenzake Pizzi na mchezaji wa Rio Ave Mehdi Taremi.

Hali ya kuwa katika sintofahamu kuhusu hatima yake, Carlos Vinicius amecheza dakika 18 pekee msimu huu mpya na kocha mkuu Jorge Jesus amewapa nafasi zaidi wawili Darwin Nunez na Luca Waldschmidt.

Tottenham imefuzu kucheza Europa League katika hatua ya makundi kwa kuichapa 7-2 timu ya Maccabi Haifa jijini London siku ya Alhamisi wakati pia wapo nafasi ya nane katika msimamo wa Premier League wakiwa wamekusanya alama 5.

Beti kwa Kitochi Kushinda 300,000,000!

Unajua kuwa unaweza kushinda milioni mia tatu kwa buku tu? Ndiyo! Unaweza kushinda kwa kupiga *149*10# na kubashiri. Ingia mchezoni!

Soma Zaidi