De Jong: Ndani ya Barcelona Kuna Matatizo Mengi.

Fenkie De Jong amesema kwamba aibu ya kufungwa 8-2 na timu ya Bayern Munich kwenye mashindano ya Champions League siku ya Ijumaa imeonesha ni kwa kiasi gani kuna matatizo mengi ndani ya klabu hiyo ya Barcelona.

Barca waliruhusu kufungwa goli nane kwa mara ya kwanza tangu mwaka 1946 katika michuano hiyo ya hadhi ya juu ulimwenguni na wababe wa Bundesliga Bayern Munich

Tunaweza kusema Bayern walimaliza mchezo ndani ya kipindi cha kwanza kwa kuweza kufunga magoli manne kwa moja kitu kilichofanya Barca wapoteane na kuruhusu magoli mengine manne katika kipindi cha pili cha mchezo na kufanya Barca watolewe katika hatua ya robo fainali katika Champions League kwa mara ya nne ndani ya misimu mitano.

Baada ya matokeo hayo inaripotiwa kuwa kocha Setien huenda akafukuzwa baada ya kufanya vibaya katika msimu na nyota wa Barcelona De jong ameeleza.

“Nadhani leo imejionesha kwamba tuna matatizo mengi ndani timu,” De jong ambaye huu ndiyo msimu wake wa kwanza ndani ya Camp Nou akisajiliwa kutokea Ajax, alisema “Nadhani usiku wa leo umeonesha na tunajua tunahitaji kufanya mabadiliko makubwa.

“Ni ngumu sana mashabiki wetu kutuelewa tunatakiwa tufanye mabadiliko ya vitu vingi sana.

“Tuliamini tutawapiga Bayern ndani ya dakika 15-20 kwa sababu walifunga goli mapema nasi tuka sawazisha na kupata nafasi mbili nzuri nafikiri uliona mwanzoni mwa mchezo.

“Lakini walikuwa wazuri kuliko sisi, sidhani kama ni suala la vipaji sana nafikiri ni kuweka nidhamu na kujituma tuna hitaji kubadilika.

Aliulizwa pia kama kuna timu yoyote ya kumzuia Bayern kati ya Manchester City au Lyon kwenye nusu fainali – Muholanzi huyo De jong alijibu: ” Nadhani City wana timu nzuri Lyon pia ni wzuri.

Umekuwa mteja muaminifu wa meridianbet? Kuna zawadi kibao hadi 5% ya pesa yako inarejeshwa kwako. Kila wiki unaweza kurudishiwa mpaka Tsh 250,000.

soma zaidi