Koeman Afurahishwa na Nidhamu ya Wachezaji wa Barca.

Kocha mkuu wa timu ya Barcelona, Ronald Koeman alihisi kwa bahati mbaya Clement Lenglet angetolewa nje kwa kadi nyekundu kwenye mchezo ambao Barcelona ilishinda 3-0 dhidi ya Celta Vigo lakini amewasifu wachezaji wake kwakujishusha.

Lenglet alioneshwa kadi ya pili ya njano dakika za mwisho za kipindi cha kwanza baada ya refa Carlos de Cerro Grande kuhisi mlinzi huyo alimchezea madhambi Denis Suarez.

Wakati huo Barca ilikuwa ikiongoza kwa goli moja goli lililofungwa na kinda Ansu Fati na kufanya Barca kupata ushindi wa pili katika mechi mbili za LaLiga, Lucas Olaza lijifunga baada ya kazi nzuri iliyofanywa na Lionel Messi na Sergio Roberto aliongeza goli la tatu na kupelekea Barcelona kutoka kifua mbele kwa ushindi wa 3-0.

Koeman alimuhurumia Lenglet kwa kupewa kadi za njano mbili kwani alikuwa na umuhimu sana katika safu ya ulinzi ya Blaugrana.

“Unaweza ukaleta mdahalo kama ile ilikuwa ni kadi au hapana,” Bosi huyo wa Barca alinukuliwa na Marca akisema. “Ilikuwa ni adhabu kubwa, ni maamuzi ambayo hatutaki kuyajadili.

“Ilikuwa ni muhimu kuzungumza kuhusu jinsi ya kucheza kwa kujishusha kuliko kuongelea hilo.

“Tumefanya kazi nzuri, matokeo haya yanatualika kusema tupo kwenye uelekeo sahihi.”

Fati ni kama amedhamiria kuchukua kiatu cha dhahabu msimu huu baada ya kufunga goli mbili kwenye mchezo wa kwanza na mchezo wa jana aliweka moja kambani, Barca na Juve wamepangwa katika kundi moja katika droo ilichezeshwa siku ya Jana kwenye mashindano ya Champions League.

Beti kwa Kitochi Kushinda 300,000,000!

Unajua kuwa unaweza kushinda milioni mia tatu kwa buku tu? Ndiyo! Unaweza kushinda kwa kupiga *149*10# na kubashiri. Ingia mchezoni!

Soma Zaidi