Uchambuzi Michezo ya LaLiga Wikendi Hii.

Katika ratiba ya LaLiga msimu 2020-21 inaonesha michezo ya wikendi hii itakuwa ni kati ya Real Madrid wataitembelea timu ya Pellegrini Real Betis siku ya Jumamosi wakati Atletico Madrid itacheza mchezo wa kwanza msimu huu Jumapili jioni kabla macho yote hayaja elekezwa kwa nyota wa Barcelona Lionel Messi, Barca itakapo anza mbio za ubingwa dhdi ya Villarreal.

Real Betis vs Real Madrid (Jumamosi saa 22:00 usiku)

Zinedine Zidane amesisitiza kwamba ameridhishwa na kiwango cha Real Madrid baada ya kupata sare ya kutofungana na Real Sociedad.

Bosi huyo wa Kifaransa mwenye umri wa miaka 48 amekumbana na maswali juu ya maamuzi yake ya kutomuanzisha straika Luka Jovic aliyesajiliwa kwa kitita cha £55m.

Lakini wakati uvumi ukiendelea kwamba Zidane anampango wa kusajili mshambuliaji mwingine, Real watahitaji kuwa makaini mbele ya lango lao watakapo safiri mpaka Real Betis siku ya Jumamosi.

Eden Harzad ni kama amekaribia kurejea dimbani hivi karibuni kutoka kuuguza majereha ya kifundo cha mguu.

Tangu achukue mikoba ya kuinoa Real Betis mwezi uliyopita Chilean Manuel Pellegrini amezifunga Alaves na Valladolid na kupata clean shit katika timu yake hiyo.

Atletico Madrid vs Granada (Jumapili saa 17:00 Jioni).

Atletico wamechelewa kuanza msimu mpya wa LaLiga leo watacheza dhidi ya Granada, kitu ambacho kitafanya wacheze michezo mitano ndani ya siku 15.

Ujio wa Luis Suarez ndani ya Atletico akitokea katika timu ya Barcelona ambaye amepangwa kucheza mchezo wake wa kwanza utaongeza chachu kwa timu hiyo iliyo chini ya Muargentina Diego Simeone msimu huu.

Michezo miwili aliyoshinda Granada akiwa katika dimba la nyumbani inamuweka kileleni katika msimamo wa LaLiga akiwa amejikusanyia point 6.

Barcelona vs Villarreal (Jumapili saa 22:00)

Hatimaye Barcelona watarejea dimbani kwa kuikaribisha Villarreal katika dimba la Camp Nou siku ya Jumapili usiku saa za Afrika Mashariki.

Messi ameendelea kuwa mchezaji wa Barca baada ya kuwatingisha kwa kutaka kusepa katika dirisha hili la uhamisho, lakini jitihada zake ziligonga mwamba ilikuepuka kuvunja vifungu vya sheria kwenye mkataba wake.

Barcelona itacheza bila uwepo wa aliyekuwa mshambuliaji wao Luis Suarez aliyeuzwa katika klabu ya Atletico Madrid kwa dau la Euro milioni sita.

Fransisco Trincao ni kama atakuwa benchi,na kocha Koeman anatarajia kumuanzisha kinda mwenye maajabu mwenye miaka 17, Ansu Fati.

Unai Emery ambaye amepewa dili ya kuinoa Villarreal amejikusanyia alama nne katika michezo miwili na timu yake imeonesha kiwango thabiti kwa michezo ya ufunguzi huenda ikaleta shida katika ngome ya Barca.

Mshambuliaji Gerard Moreno,mwenye miaka 28 amefunga katika michezo yote msimu huu.

FURAHIA KASINO YA MTANDAONI

Tembelea ardhi ya maajabu ushangazwe na mengi ikiwa ni pamoja na urahisi wa kujipatia utajiri kupitia Kasino ya Meridianbet.

Cheza Sasa